ରାଜାରାମ ଷଡଙ୍ଗୀ15/02/2025 at 6:44 AM
ସମ୍ବଲପୁର: ଅପରାହ୍ନ ପ୍ରାୟ ୫.୩୦ ରେ ସମ୍ବଲପୁର ରୁ ଫୁଲବାଣୀ ଯାଉଥିବା ବସ ରେ ଯିବାପାଇଁ ଅନେକ ମହିଳା ଓ ପୁରୁଷ ଯାତ୍ରୀ ଅପେକ୍ଷା କରି ଥିଲେ।ବସ ଠିକ ସମୟରେ ଧନୁପାଲି ପହଂଚିଲା। ଯାତ୍ରୀ ମାନେ ହାତ ଦେଖେଇଲେ ମାତ୍ର ସବୁଦିନ ଏହି ଷ୍ଟେସନ ରୁ ୧୦ ରୁ ୧୫ ଜଣ ଯାତ୍ରୀ ନେଉଥିବା ବସ ଆଜି ଏଠାରେ ନ ରହି ଦ୍ରୁତଗତି ରେ ଚାଲିଗଲା।ସମସ୍ତ ଯାତ୍ରୀ ପ୍ରାୟ ମହିଳା ସେମାନେ ହେଲେ ମଂଦଦରୀ,ଚମ୍ପେସ୍ବରି,ସୁଗନୀ, ସୁଭାସିନୀ,ଭାନୁମତି, ପଦ୍ମିନୀ,ଓ ଗଙ୍ଗା ପ୍ରମୁଖ ।ସେମାନେ ସବୁ କୃଷି ଶ୍ରମିକ ପଲହା ଜଗାଇବା ପାଇଁ ଯାଇ ନିଜ ଗାଁ ମୋଚିବାହାଲ ପାଖ ରାମ ବଡ଼ମାଲ ଗାଁ କୁ ଫେରିବା ଥିଲା। ବସ ନ ରହିବାରୁ ଏହି ମହିଳା ମାନେ ରାତି ପର୍ଯ୍ୟନ୍ତ ଧନୁପାଲି ଛକ ରେ ଅପେକ୍ଷା କରି ନିଜର ଅସହାୟତା ପ୍ରକାଶ କରିଥିଲେ। ସରକାରୀ ବସ କ୍ଷତି ରେ ଚାଲୁଥିବା କୁହାଯାଉଥିବା ବେଳେ କର୍ମଚାରୀ ଙ୍କ ବେପରୁଆ ମନୋଭାବ ଯୋଗୁଁ ବସ ଖାଲି ଥାଇ ମଧ୍ୟ ଯାତ୍ରୀ ଯାଇପାରିଲେ ନାହିଁ।କାହିଁକି ବସ ଷ୍ଟପେଜ ରେ ରହିବ ନାହିଁ ଓ କାହିଁକି ଯାତ୍ରୀ ସମସ୍ୟା ବଢ଼ିବ?ଏହାର ତଦନ୍ତ ହେବା ଆବଶ୍ୟକ ବୋଲି ସ୍ଥାନୀୟ ବୁଦ୍ଧିଜୀବୀ ମହଲ ରେ ଦାବି ହେଉଛି।