ରାଜାରାମ ଷଡଙ୍ଗୀ26/02/2025 at 7:19 AM
ସମ୍ବଲପୁର: ସମ୍ବଲପୁର ଜିଲ୍ଲା ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ, ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ, ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ମିଳିତ ଆନୁକୂଲ୍ୟରେ ମଙ୍ଗଳବାର ସକାଳ ୧୦ ଘଟିକା ସମୟରେ ସ୍ଥାନୀୟ ଜ଼ିଲ୍ଲାପାଳଙ୍କ ସମ୍ମିଳନୀ କକ୍ଷଠାରେ ଏକ ଟେବୁଲ ଟପ୍ ଏକ୍ସରସାଇଜ ଆୟୋଜିତ ହୋଇଯାଇଛି I ଶିଳ୍ପ ସମ୍ବନ୍ଧୀୟ ରାସାୟନିକ ବିପର୍ଯ୍ୟୟଗୁଡ଼ିକୁ ମୁକାବିଲା କରିବା ପାଇଁ ଆସନ୍ତା ଫେବ୍ରୁୟାରୀ ୨୮ ତାରିଖରେ ଭୂଷଣଷ୍ଟିଲ ପ୍ଲାଣ୍ଟ ଲିଃ ଠେଲକୋଲି ଠାରେ , ମକ ଏକ୍ସରସାଇଜ କରିବା ପାଇଁ ଆଜିର କାର୍ଯ୍ୟକ୍ରମରେ ଆଲୋଚନା କରାଯାଇ ଏହି ପଦକ୍ଷେପକୁ ସୁଚାରୁ ରୂପେ ଶିକ୍ଷଣୀୟ କରିବା ପାଇଁ ନିଷ୍ପତ୍ତି ନିଆଗଲା I ଆଜିର କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ,ସମ୍ବଲପୁର ଈଶ୍ୱର ନାୟକ ,ସହକାରୀ ଜିଲ୍ଲାପାଳ ସୁଶାନ୍ତ ନାଏକ, ସମ୍ବଲପୁର ଜୋନ୍ -୧ ର କାରଖାନା ଓ ବଏଲରର ସହକାରୀ ନିର୍ଦ୍ଦେଶକ- ଉମାକାନ୍ତ ସାମନ୍ତରାୟ ,ଏସ୍ଡ଼ିପିଓ ସଦର- ଅନିଲ କୁମାର ପ୍ରଧାନ, ଏପିଡୋମିଲୋଜିଷ୍ଟ – ଜ୍ଞାନ ରଞ୍ଜନ ମହାନ୍ତି , ଡେପୁଟି ଇନଭାରମେଣ୍ଟ ସାଇଣ୍ଟିଷ୍ଟ ଅଂଶୁମାଲା କୁସୁମ ମିଞ୍ଜ, ଜିଲ୍ଲା ପ୍ରକଳ୍ପ ଅଧିକାରୀ-ଜରୁରୀକାଳୀନ ବିଭାଗ -ଗୀତାଞ୍ଜଳି ସା, ଜିଲ୍ଲା ଜରୁରୀକାଳୀନ ଅଧିକାରୀ ସ୍ମୃତିରଞ୍ଜନ ରାଉତ ପ୍ରମୁଖ ଉପସ୍ଥିତ ଥିଲେ ।