ରାଜାରାମ ଷଡଙ୍ଗୀ

21/03/2025 at 11:28 AM

ସମ୍ବଲପୁର :ଚୈତ୍ର କୃଷ୍ଣପକ୍ଷ ଷଷ୍ଠୀ ଗୁରୁବାର ଠାରୁ ଆସନ୍ତା ୨୨ ତାରିଖ ଶନିବାର ପର୍ଯ୍ୟନ୍ତ ଡଙ୍ଗରପଡାର ବ୍ରାହ୍ମଣପଡା ଓ କନ୍ଧପଡାରେ ନାମଯଜ୍ଞ ଆଜିଠୁ ଆରମ୍ଭ ହୋଇଛି।
ସ୍ଥାନୀୟ ଜଗନ୍ନାଥ ମନ୍ଦିରର ଅଷ୍ଟମ ସ୍ୱନକ୍ଷତ୍ର ଉତ୍ସବ ପୂର୍ତି ଉପଲକ୍ଷେ ଶ୍ରୀ ଶ୍ରୀ ସତ୍ୟନାରାୟଣ ପୂଜା ଓ ଶ୍ରୀ ଶ୍ରୀ ଅଷ୍ଟପ୍ରହରୀ ମହାମନ୍ତ୍ର ନାମଯଜ୍ଞ ଆଜି ଅନୁଷ୍ଠିତ ହୋଇଯାଇଛି ।ଇଂ ସଂଜୀବ କୁମାର ପଣ୍ଡା ଓ ସଂଗୀତା ପଣ୍ଡା କର୍ତ୍ତା ଦାୟିତ୍ୱ ନିର୍ବାହ କରିଥିବା ବେଳେ ପଣ୍ଡିତ
ଶାଶ୍ବତ କୁମାର ବଡ଼ପଣ୍ଡା ପୂଜାକାର୍ଯ୍ୟ ସମ୍ପାଦନ କରିଥିଲେ।
ଗୁରୁବାର ଦିନ ଶୁଭ ଅଧିବାସ ଓ କଳସ ଯାତ୍ରା ଅନୁଷ୍ଠିତ ହୋଇଥିବା ବେଳେ ଆଜି ମଧ୍ୟାହ୍ନରେ ନାମାରମ୍ଭ ହୋଇଛି।ଶ୍ରୀମତୀ ମିନୁ ପ୍ରଧାନ ଓ ଅଶ୍ବିନୀ ପ୍ରଧାନ ସସ୍ତ୍ରିକ କର୍ତ୍ତା ଦାୟିତ୍ୱ ନିର୍ବାହ କରୁଛନ୍ତି। ଆସନ୍ତା ଶନିବାର ଦିବା ଘ.୧୧.୦୦ ପୁର୍ଣାହୁତି, ନଗରଭ୍ରମଣ ଓ ପ୍ରସାଦସେବନ କାର୍ଯ୍ୟକ୍ରମ ରହିଛି।କାର୍ଯ୍ୟକାରୀ ସଭାପତି ତଥା ଡ଼ଙ୍ଗରପଡା ସରପଞ୍ଚ ଅୟଶକାନ୍ତ ବଡ଼ପଣ୍ଡା,ସାଧାରଣ ସଂପାଦକ ବିଶ୍ବଜିତ ମାଝୀ ପ୍ରମୁଖଙ୍କ ସହିତ ନାମଯଜ୍ଞ କମିଟି ଏହାକୁ ପରିଚାଳନା କରୁଛନ୍ତି।