୫୦ କୋଟି ଟଙ୍କାରେ ବିଶ୍ୱର ସବୁଠାରୁ ମହଙ୍ଗା କୁକୁର କିଣିଛନ୍ତି କହି ଦାବି କରୁଥିଲେ, ED ଚଢ଼ାଉ ପରେ ଜଣା ପଡିଲା ତାହା ଦେଶୀ କୁକୁର
ପ୍ରବର୍ତ୍ତନ ନିର୍ଦ୍ଦେଶାଳୟ ବିଦେଶୀ ମୁଦ୍ରା ପରିଚାଳନା ଆଇନ (FEMA) ଉଲ୍ଲଂଘନ ମାମଲାରେ ବେଙ୍ଗାଲୁରୁର କୁକୁର ବ୍ରିଡ଼ର ସତୀଶଙ୍କ ଘରେ ଚଢାଉ କରିଛି। ସତୀଶ ନାମକ ଏହି ବ୍ୟକ୍ତି ଦାବି କରିଥିଲେ ଯେ ସେ ୫୦ କୋଟି ଟଙ୍କାରେ ବିଶ୍ୱର ସବୁଠାରୁ ମହଙ୍ଗା କୁକୁର କିଣିଛନ୍ତି।
ଏହି ମାମଲାରେ, ଇଡି ତଦନ୍ତ କରୁଛି ଯେ ଯଦି କୁକୁର କିଣିବା ପାଇଁ ୫୦ କୋଟି ଟଙ୍କା ଦିଆଯାଇଥିଲା, ତେବେ ତାହା କିପରି ଦିଆଯାଇଥିଲା।
ସତୀଶଙ୍କ ଆକାଉଣ୍ଟ ବିବରଣୀ ଯାଞ୍ଚ କରାଯିବା ପରେ ଜଣାପଡିଲା ଯେ ଆକାଉଣ୍ଟରୁ କୌଣସି କାରବାର ହୋଇନାହିଁ। ଯେତେବେଳେ ଇଡି ଟିମ୍ ତଦନ୍ତ ପାଇଁ ତାଙ୍କ ବେଙ୍ଗାଲୁରୁସ୍ଥିତ ବାସଭବନରେ ଚଢ଼ାଉ କରିଥିଲା, ସେତେବେଳେ ଜଣାପଡ଼ିଥିଲା ଯେ ସତୀଶ ତଦନ୍ତକାରୀ ଦଳକୁ ଭ୍ରମିତ କରିବାକୁ ଚେଷ୍ଟା କରୁଥିଲେ। ଯେତେବେଳେ ଇଡି ଟିମ୍ ସତୀଶଙ୍କୁ ମୁହାଁମୁହିଁ ପଚରାଉଚରା କଲା, କାହାଣୀ ଅନ୍ୟ କିଛି ଥିଲା। ତଦନ୍ତରେ ସତୀଶଙ୍କ ଦାବି ମିଥ୍ୟା ପ୍ରମାଣିତ ହୋଇଥିଲା। ପ୍ରକୃତରେ, ପ୍ରାରମ୍ଭିକ ତଦନ୍ତରେ, ଯେଉଁ କୁକୁରକୁ ବିଦେଶୀ ପ୍ରଜାତିର ବୋଲି ଦାବି କରାଯାଇଥିଲା, ତାହା ମଧ୍ୟ ଦେଶୀ ପ୍ରଜାତିର ବୋଲି ଜଣାପଡ଼ିଛି।
ଏହି ମାମଲା ସମ୍ପର୍କରେ ଇଡି ତଦନ୍ତ ଚାଲିଛି। ଉଲ୍ଲେଖ ଥାଉ କି ସତୀଶ ଦାବି କରିଥିଲେ ଯେ ଏହି କୁକୁରକୁ କିଣିବା ପାଇଁ ୫୦ କୋଟି ଟଙ୍କା ଖର୍ଚ୍ଚ କରିଥିଲେ | ସତୀଶଙ୍କ ଅନୁସାରେ, କୁକୁରଟି କାଡାବୋମ୍ସ ଓକାମି ପ୍ରଜାତିର ହୋଇଥିବାବେଳେ ଏହା ଏମିତି ଏକ କୁକୁର ଯାହା ଗଧିଆ ଏବଂ କକେସିଆନ୍ ସେଫର୍ଡ ପ୍ରଜାତିର ମିଳନରେ ଜନ୍ମ ହୋଇଛି। ଏହି ବିରଳ ପ୍ରଜାତିଟି ଆମେରିକାରେ ଜନ୍ମ ହୋଇଥିଲା ଏବଂ ମାତ୍ର ଆଠ ମାସ ବୟସରେ ଏହାର ଓଜନ ୭୫ କିଲୋଗ୍ରାମରୁ ଅଧିକ ରହିଛି। ଏହି କୁକୁରଟି ପ୍ରତିଦିନ ପ୍ରାୟ ୩ କିଲୋଗ୍ରାମ କଞ୍ଚା ମାଂସ ଖାଏ। ବର୍ତ୍ତମାନ ଏହି ଦାବି ମିଥ୍ୟା ପ୍ରମାଣିତ ହୋଇଛି |
