ରାଜାରାମ ଷଡଙ୍ଗୀ

22/04/2025 at 9:05 PM

ସମ୍ବଲପୁର:୨୨ ଏପ୍ରିଲ୍, ବିଶ୍ୱ ପୃଥିବୀ ଦିବସର ଅବସରରେ, ସମ୍ବଲପୁର ଜିଲ୍ଲାର ସଂଗ୍ରାମାଳ ଗ୍ରାମପଞ୍ଚାୟତର ରସିଆପାଲି ଗ୍ରାମରେ ଗ୍ରାମୀଣ ଫଳ ଚାଷରେ ଇନ-ସିଟୁ ଗ୍ରାଫ୍ଟିଂ ପ୍ରଯୁକ୍ତି ଉପରେଏକ ତାଲିମ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ୫୦ ରୁ ଅଧିକ କୃଷକ ଅଂଶଗ୍ରହଣ କରିଥିଲେ।
ଟ୍ରେନିଂ ପରେ “ମାଙ୍ଗୋ, ଆପଲ୍ ବେର୍, ଗୁଆଭା ଭଳି ଆମ ପ୍ରମୁଖ ଟ୍ରପିକାଲ୍ ଫଳ ଉତ୍ପାଦନରେ ଇନ-ସିଟୁ ଗ୍ରାଫ୍ଟିଂ ପ୍ରଯୁକ୍ତିର ଉପକାରିତା” ବିଷୟରେ ଏକ ଆଲୋଚନା ସଭା ହେଇଥିଲା।
ହ୍ୟାଣ୍ଡସ ଅନ୍ ଟ୍ରେନିଂରେ ଦେଶୀ ବେର୍ ର ମୂଳ ଗଛ ଉପରେ ଆପଲ୍ ବେର୍ ଗ୍ରାଫ୍ଟ କରିବା ପ୍ରକ୍ରିୟା ଶିଖାଯାଇଥିଲା। ଏହି ପ୍ରଶିକ୍ଷଣ କାର୍ଯ୍ୟକ୍ରମଟି ଆମ ଗବେଷଣା ଇଣ୍ଟର୍ନ ପ୍ରିୟାଂଶୁ ବସ୍ତିଆଙ୍କ ଦ୍ୱାରା ସଂଚାଳିତ ହୋଇଥିଲା।
ଏହି କାର୍ଯ୍ୟକ୍ରମରେ ଅଭିନବକୃଷି ଗବେଷଣା ସଂସ୍ଥାର ଶ୍ରୀ ଜଟା ଭୂଷଣ ସାହୁ ଓ ଶ୍ରୀ କୈବଲ୍ୟ ପ୍ରଧାନ ଉପସ୍ଥିତ ଥିଲେ। ଗ୍ରାମବାସୀ ମାନେ ଗ୍ରାଫ୍ଟିଂ ପ୍ରକ୍ରିୟାରେ ସହଯୋଗ କରିଥିଲେ।
ଇନ-ସିଟୁ ଗ୍ରାଫ୍ଟିଂ ପ୍ରଯୁକ୍ତି ଏକ ନିମ୍ନ ବାହ୍ୟ ଇନପୁଟ ଭିତ୍ତିକ ଟିକାଉ କୃଷି ପ୍ରକ୍ରିୟା ଯାହା କୃଷକଙ୍କ ପାଇଁ ଅତ୍ୟନ୍ତ ଉପଯୋଗୀ ଅଟେ। ଏହା ଅତ୍ୟନ୍ତ କମ୍ ପାଣି ଓ ସାର ଦ୍ୱାରା ଉତ୍ପାଦନ ସମ୍ଭବ କରାଯାଏ, ଏବଂ ଅଳ୍ପ ସମୟରେ ଅଧିକ ଫଳ ମିଳିଥାଏ। ଏହି ପ୍ରକ୍ରିୟା ଦ୍ୱାରା ଫଳ ଗଛର ଜନ୍ୟୁ ଶୁଦ୍ଧତା ମଧ୍ୟ ରକ୍ଷା କରାଯାଇପାରେ।