ପ୍ରଜ୍ଞା ପଟ୍ଟନାୟକ12/05/2023 at 2:03 PM
ଭୁବନେଶ୍ବର: ଓଡ଼ିଶାରେ ବନ୍ଦେ ଭାରତ ଏକ୍ସପ୍ରେସ୍ ଗଡିବା ନେଇ ଦ୍ବନ୍ଦ୍ବ ଲାଗି ରହିଛି । ପ୍ରଥମେ ମେ ୧୫ ତାରିଖରେ ପୁରୀରୁ ହାୱଡ଼ାକୁ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ ହେବ ବୋଲି ସ୍ଥିର ହୋଇଥିଲା। ପରେ ପୁଣି ତାରିଖ ବଦଳିଛି ।
ପୂର୍ବତଟ ରେଲୱେ ପକ୍ଷରୁ ଜାରି ନୂଆ ସୂଚୀ ଅନୁସାରେ, ମେ ୧୮ ତାରିଖ ଗୁରୁବାର ଦିନ ୧୨ଟାରେ ପୁରୀରୁ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରାଯିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶାରେ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିବେ । ତେବେ ପ୍ରଧାନମନ୍ତ୍ରୀ ଭିସି ଜରିଆରେ ଉଦଘାଟନ କରିବେ ନା ପୁରୀ ଆସିବେ ତାହା ଏଯାଏ ସ୍ପଷ୍ଟ ହୋଇ ନାହିଁ ।