ସୁନା ଦୋକାନରୁ ଗହଣା ଚୋରି ଅଭିଯୋଗରେ ୩ ଗିରଫ
ସମ୍ବଲପୁର: ସମ୍ବଲପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ଗଣେଶ ନଗର ଠାରେ ଥିବା ଏକ ସୁନା ଦୋକାନରୁ ଗହଣା ଚୋରି ଅଭିଯୋଗରେ ପୋଲିସ ୩ଜଣକୁ ଗିରଫ କରିଛି । ସେମାନଙ୍କୁ ପଚରାଉଚରା ପରେ କୋର୍ଟ ଚାଲାଣ କରିଛି। ସୂଚନାଯୋଗ୍ୟ, ଗଣେଶ ନଗର ନିବାସୀ ବିଷ୍ଣୁ ନାରାୟଣ ପୃଷ୍ଟିଙ୍କ ଏକ ସୁନା ଦୋକାନ ରହିଛି । ଗତ ୭ ତାରିଖ ରାତିରେ କିଛି ଦୁର୍ବୃତ୍ତ ଦୋକାନର ସ୍କାଏ ଲାଇଟ୍ ଭାଙ୍ଗି ସୁନାଗହଣା ଚୋରି କରି ନେଇ ଥିଲେ । ଏନେଇ ସେ ଥାନାରେ ଲିଖିତ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁ କରି ଏହାର ତଦନ୍ତ କରିଥିଲା। ଏହି ଘଟଣାରେ ବରପଡ଼ାର ଜିତେନ୍ ଓରାମ, ଜୟରାମଙ୍କୁ ଗିରଫ କରିଥିଲା । ଏଥିସହ ଆଉ ଜଣେ ନାବାଳକଙ୍କୁ ମଧ୍ୟ ନିଜ ହେପାଜତକୁ ନେଇଥିଲା। ସେମାନଙ୍କ ପାଖରୁ ଚୋରି ସାମଗ୍ରୀ ଉଦ୍ଧାର ହୋଇଛି।
