ସଡ଼କ ଦୁର୍ଘଟଣା, ୨ ମୃତ
ସମ୍ବଲପୁର:୨ ସାଙ୍ଗ ଏକ ବାଇକରେ ଯାଉଥିବା ବେଳେ ରାସ୍ତା କଡରେ ଥିବା ଏକ ବିଦ୍ୟୁତ ପୋଲରେ ବାଡେଇ ହୋଇ ଉଭୟଙ୍କ ଅକାଳରେ ଜୀବନ ଯାଇଛି।
ରେଢ଼ାଖୋଲ -ନାକଟିଦେଉଳ ରାସ୍ତାର ପେଣ୍ଠବାହାଲ ଠାରେ ଏହି ଦୁର୍ଘଟଣା ଘଟିବା ପରେ ଗୁରୁତର ଆହତ ୨ ସାଙ୍ଗ ସୁମନ ଡୋଙ୍ଗି ଓ ଶୁଭମ ନାଏକଙ୍କୁ ସ୍ଥାନୀୟ ଲୋକେ ରେଢ଼ାଖୋଲ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଥିବା ସମୟରେ ସେମାନଙ୍କ ମୃତ୍ୟୁ ହୋଇଥିବା ନେଇ ଖବର ମିଳିଛି। ସ୍ଥାନୀୟ ପୋଲିସ ଘଟଣାର ତଦନ୍ତ କରି ୨ ଟି ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଛେଦ ପରେ ଉଭୟ ପରିବାରକୁ ଶବ ହସ୍ତାନ୍ତର କରିଛି।
