ରାଜାରାମ ଷଡଙ୍ଗୀ24/06/2025 at 10:14 PM
ସମ୍ବଲପୁର: ସୋମବାର ସନ୍ଧ୍ୟା ୭ ଟା ସମୟ ରେ ଧନୁପାଲି ରଥଯାତ୍ରା ଉତ୍ସବ କମିଟି – ୨୦୨୫ ର କାର୍ଯ୍ୟକାରୀ ସଭାପତି ଦେବାଶିଷ ପୁରୋହିତ ଙ୍କ ଆବାହକତ୍ୱରେ ଗୋବିନ୍ଦତୋଲା ଦୁର୍ଗାପୂଜା ସଭା ଗୃହ ରେ ଧନୁପାଲି ରଥଯାତ୍ରା ଓ ବାହୁଡ଼ା ଯାତ୍ରା ପାଇଁ “ଧନୁପାଲି – ଗୋବିନ୍ଦତୋଲା ରଥଯାତ୍ରା ସମନ୍ମୟ ସମିତି” ର ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ବୈଠକ ରେ ଧନୁପାଲି ରଥଯାତ୍ରା ଉତ୍ସବ କମିଟି – ୨୦୨୫ ର ଉପସଭାପତି ସୌରଭ ରଞ୍ଜନ ମହାପାତ୍ର ସଭା ପରିଚାଳନା କରିଥିଲେ। ଏହି ବୈଠକ ରେ ରଥଯାତ୍ରା ଓ ବାହୁଡ଼ା ଯାତ୍ରା ସମ୍ପର୍କ ରେ ସମସ୍ତ ଦିଗ ଉପରେ ତଥା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରାଯାଇ ଥିଲା ଓ ଶାନ୍ତି ଶୃଙ୍ଖଳା ରକ୍ଷା ଓ ଟ୍ରାଫିକ ନିୟନ୍ତ୍ରଣ ତଥା ସୁପରିଚାଳନା ପାଇଁ ସମନ୍ମୟ ସମିତି ତରଫ ରୁ ପୋଲିସ ସହଯୋଗ ପାଇଁ ପ୍ରସ୍ତାବ ରଖା ଯାଇଥିଲା। ଏହି ବୈଠକ ରେ ସଦର ଏସ୍ଡ଼ିପିଓ ତୋଫାନ ବାଘ ଓ ଧନୁପାଲି ଥାନା ଅଧିକାରୀ ଆଦିତ୍ୟ ମହାକୁଡ ଉପସ୍ଥିତ ଥିଲେ। ଏହି ଅବସର ରେ ସମନ୍ମେ ସମିତି ର ଅଜୟ କୁମାର ସାହୁ, ପ୍ରଦୀପ ପାଢ଼ୀ, ରାଜ କିଶୋର ପୁରୋହିତ, ରଞ୍ଜିତ ରଥ, ବିଦେଶୀ ସନ ବଡ, ବିଷ୍ଣୁ ଗୁରୁ, ଦୀପକ ପଣ୍ଡା, ସଞ୍ଜୟ ତ୍ରିପାଠୀ, ଡ଼. ରାଜାରାମ ଷଡ଼ଙ୍ଗୀ, ଜୟନାରାୟଣ ଶତପଥୀ ଓ ଦିଲୀପ ଠାକୁର ପ୍ରମୁଖ ଉପସ୍ଥିତ ରହି ରଥଯାତ୍ରା ପରିଚାଳନା ନେଇ ଆଲୋଚନା କରିଥିଲେ।