ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ14/07/2025 at 9:38 AM
ନୂଆଦିଲ୍ଲୀ: ଭାରତୀୟ ବୈଜ୍ଞାନିକ ଶୁଭାଂଶୁ ଶୁକ୍ଳା ଖୁବ୍ ଶୀଘ୍ର ମହାକାଶରୁ ପୃଥିବୀକୁ ଫେରିବାକୁ ଯାଉଛନ୍ତି। ଆକ୍ସିୟମ୍-୪ ମିଶନ୍ ଅନ୍ତର୍ଗତ ଅନ୍ତର୍ଜାତୀୟ ମହାକାଶ ଷ୍ଟେସନ୍ (ISS) ଯାଇଥିବା ଶୁଭାଂଶୁ ଜୁଲାଇ ୧୫ ତାରିଖ ଅପରାହ୍ନ ପ୍ରାୟ ୩ଟାରେ ପୃଥିବୀରେ ଅବତରଣ କରିପାରିବେ।
କେନ୍ଦ୍ର ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ କହିଛନ୍ତି ଯେ କ୍ରୁ ଡ୍ରାଗନ୍ ମହାକାଶଯାନର ଅନଡକ୍ ପ୍ରକ୍ରିୟା ୧୪ ଜୁଲାଇ ଅପରାହ୍ନ ୪:୩୦ ରେ ଆରମ୍ଭ ହେବ। ନାସା ସୂଚନା ଅନୁଯାୟୀ ଏହି ମିଶନରେ ସାମିଲ ମହାକାଶଚାରୀମାନେ ମହାକାଶରୁ ଅନେକ ବିରଳ ଏବଂ ଗୁରୁତ୍ୱପୂର୍ଣ୍ଣ ବୈଜ୍ଞାନିକ ସାମଗ୍ରୀ ନେଇ ଫେରୁଛନ୍ତି। ଏଥିରେ ୫୮୦ ପାଉଣ୍ଡ (ପ୍ରାୟ ୨୬୩ କିଲୋଗ୍ରାମ) ଓଜନର ବୈଜ୍ଞାନିକ ଉପକରଣ, ନାସାର ମହାକାଶ ହାର୍ଡୱେୟାର ଏବଂ ୬୦ ରୁ ଅଧିକ ବିଜ୍ଞାନ ପରୀକ୍ଷଣର ତଥ୍ୟ ଅନ୍ତର୍ଭୁକ୍ତ। ଏହି ପରୀକ୍ଷଣଗୁଡ଼ିକ ମହାକାଶରେ କରାଯାଇଛି ଏବଂ ଭବିଷ୍ୟତର ମହାକାଶ ପ୍ରଯୁକ୍ତିବିଦ୍ୟା ଏବଂ ଚିକିତ୍ସା ବିଜ୍ଞାନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।
ଏହି ମିଶନର ଚାରି ସଦସ୍ୟ ବିଶିଷ୍ଟ ଦଳରେ ଅନ୍ତର୍ଭୁକ୍ତ। ପେଗି ହ୍ୱିଟସନ୍ – ମିଶନ କମାଣ୍ଡର ଶୁଭାଂଶୁ ଶୁକ୍ଳା – ପାଇଲଟ୍ସ୍ଲାଭୋଜ୍ ଉଜନାନସ୍କି-ଭିସ୍ନିୱସ୍କି – ମିଶନ ବିଶେଷଜ୍ଞଟିବୋର୍ କାପୁ – ମିଶନ ବିଶେଷଜ୍ଞ।