Odisha.News

Odia News Odisha.News,ଓଡ଼ିଆ ନିଉଜ, Odia Sambad, ଓଡ଼ିଆ ଖବର , Today News Odia, Odia News Portal, ବଡ ଖବର , Odisha Dot News

ରେଢ଼ାଖୋଲ ବିଭିନ୍ନ ସମସ୍ୟା ର ସମାଧାନ ଦାବିରେ ବିଜୁ ଜନତା ଦଳ ର ରେଢ଼ାଖୋଲ ରେ ରାସ୍ତାରୋକ

ଜାତୀୟ ରାଜପଥ ର ନିର୍ମାଣ କାର୍ଯ୍ୟ ରେ ବିଳମ୍ବ ଯୋଗୁଁ ନାହିଁ ନ ଥିବା ଅସୁବିଧା ଭୋଗୁଛନ୍ତି ରେଢ଼ାଖୋଲବାସି : ପ୍ରସନ୍ନ ଆଚାର୍ଯ୍ୟ,

ସମ୍ବଲପୁର:ସମ୍ବଲପୁର ଜିଲ୍ଲା ଅନ୍ତର୍ଗତ ରେଢ଼ାଖୋଲ ଦେଇ କଟକ ତଥା ଭୁବନେଶ୍ୱର କୁ ସଂଯୋଗ କରିଛି ଜାତୀୟ ରାଜପଥ l ଏହି ରେଢ଼ାଖୋଲ ସହର ଦେଇ ଏହି ଜାତୀୟ ରାଜପଥ ଯାଇଥିବା ବେଳେ, ବଡ଼ ବଡ଼ ଭାରୀଯାନ ଯାତାୟାତ କରିଥାଏ l ଏହା ଦ୍ୱାରା ସହରବାସୀ ନାହିଁନଥିବା ସମସ୍ୟା ର ସମ୍ମୁଖୀନ ହେଉଛନ୍ତି l
ଏହିପରି ଏହି ଜାତୀୟ ରାଜପଥ ର ୬ ଦଫା କୁ ନେଇ ରେଢ଼ାଖୋଲ ବିଧାୟକ ତଥା ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ ଙ୍କର ନେତୃତ୍ୱ ରେ ମୁଖ୍ୟ ରାସ୍ତା ଅବରୋଧ କରାଯାଇଥିଲା l
ବିଜୁ ଜନତା ଦଳ ରେଢ଼ାଖୋଲ ପକ୍ଷରୁ ଆୟୋଜିତ ଏହି ରାସ୍ତାରୋକ କାର୍ଯ୍ୟକ୍ରମ ରେ ନିର୍ଦ୍ଧିଷ୍ଟ ସମୟ ରେ ସହର ମୁଖ୍ୟ ରାସ୍ତାରେ ଭାରୀଯାନ ଯାତାୟାତ ବନ୍ଦ କରିବା, ଜାତୀୟ ରାଜପଥ ର ମରାମତି, ଜାତୀୟ ରାଜପଥ ପାଇଁ ବାଇପାସ ର ନିର୍ମାଣ, ହାତିବାରୀ ଟୋଲଗେଟରୁ ସ୍ଥାନୀୟ ଲୋକଙ୍କ ଟୋଲ ଟିକସ ବାତିଲ କରିବା ଭଳି ଦାବିରେ ଶୁକ୍ରବାର ରାସ୍ତା ରୋକ କରାଯାଇଥିଲା। ଏହି ଆନ୍ଦୋଳନ ରେ ରେଢ଼ାଖୋଲ ପଞ୍ଚାୟତ ସମିତି ର ଅଧ୍ୟକ୍ଷ ପ୍ରଦୀପ ପ୍ରଧାନ, ସଭାପତି ଉଦିତ ତ୍ରିପାଠୀ ତଥା ଶତାଧିକ ବିଜୁ ଜନତା ଦଳ ର ନେତୃବର୍ଗ ସହ ଜନସାଧାରଣ ସାମିଲ ଥିଲେ l
ଏହି ଅବସରରେ ଜିଲ୍ଲା ପ୍ରଶାସନ ପକ୍ଷରୁ ଏନଏଚଆଇପିଡି, ରେଢ଼ାଖୋଲ ଉପଜିଲ୍ଲାପାଳ, ପୋଲିସ ଏସଡ଼ିଓ ଆଲୋଚନା କରି ଲିଖିତ ପ୍ରତିଶୃତି ଦେବାପରେ ରାସ୍ତାରୋକରୁ ଓହରି ପୁଣି ସ୍ୱାଭାବିକ ଅବସ୍ଥା ଫେରିଥିଲା।

ତାଜା ଖବରର ଅପଡେଟ୍ ପାଇବା ପାଇଁ ଆମର ଆପ୍ ଡାଉନଲୋଡ୍ କରନ୍ତୁ

More Stories