ଏକଦିନିଆ ବେଟରାନ୍ ଫୁଟବଲ ଟୁର୍ଣ୍ଣାମେଣ୍ଟ, ଏମସିଏଲ ବୁର୍ଲା ବିଜୟୀ
ସମ୍ବଲପୁର: କଦଲିମୁଣ୍ଡା ଖେଳ ପଡିଆ ଠାରେ ଏକ ଦିବସୀୟ ବେଟରାନ୍ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇ ଏଥିରେ ବୁର୍ଲା ଏମସିଏଲ ଲାଭ କରିଛି।
ନବଜ୍ୟୋତି ଯୁବକ ସଂଘ, କଦଳୀମୁଣ୍ଡା ଆୟୋଜନରେ ଅନୁଷ୍ଠିତ ଏହି ବେଟରାନ୍ ଟୁର୍ଣ୍ଣାମେଣ୍ଟ ସଫଳତାର ସହିତ ସମାପ୍ତ ହୋଇଛି । ଏହି ପ୍ରତିଯୋଗିତାରେ ୮ଟି ଦଳ ଅଂଶଗ୍ରହଣ କରିଥିଲେ ।ବୁର୍ଲା ଏମସିଏଲ ବିଜୟୀ ହୋଇଥିବା ବେଳେ ରନର୍ସ-ଅପ୍ ଦଳ ଭାବେ ସମ୍ବଲପୁର ଇଲେଭେନ୍ ରହିଥିଲେ।
ଏହି ଉପଲକ୍ଷେ ଆୟୋଜିତ ସଭାରେ ମୁଖ୍ୟଅତିଥି ଭାବେ ବାହାମ ସରପଞ୍ଚ ଶ୍ରୀମତୀ ସରସ୍ୱତୀ ଭୁସାଗର ଓ ସମ୍ମାନିତ ଅତିଥି ଭାବେ ସୁବୋଧ କୁମାର ବେହେରା, ଜୁଯୁମୁରା ସାଂସଦ ପ୍ରତିନିଧି
ପ୍ରମୋଦ କୁମାର ମିଶ୍ର,ପୂର୍ବତନ ଜିଲ୍ଲା ପରିଷଦ ସଦସ୍ୟ ଦେବାନନ୍ଦ ଭୋସାଗର, ସମାଜସେବୀ ଡା. ରାଜାରାମ ଷଡ଼ଙ୍ଗୀ, ବେଣୁଧର ତ୍ରିପାଠୀ,ନରେଶ ପ୍ରଧାନ, କପିଳ ପ୍ରଧାନ ଯୋଗଦେଇ କୃତି ପ୍ରତିଯୋଗୀ ଓ ବିଜୟୀ ଦଳଙ୍କୁ ସମ୍ମାନିତ କରିଥିଲେ।ଏହି ଟୁର୍ଣ୍ଣାମେଣ୍ଟ ରେ ରେଫାରୀ
ଭାବେ ଅଭିଜିତ ମିର୍ଧା, ରାମକାନ୍ତ ମିର୍ଧା, ରାଜାରାମ ଓରାମ,କିଶୋର ଭୋଇ ଓ ମଞ୍ଜିତ ଦାୟିତ୍ୱ ନିର୍ବାହ କରିଥିବା ବେଳେ
ଜୟରାଜ ଧର କମେଣ୍ଟର କାର୍ଯ୍ୟ ସମ୍ପାଦନ କରିଥିଲେ।ଆୟୋଜନ କମିଟିର ସୁଶିଲ ମିର୍ଧା,ରାମକାନ୍ତ ମିର୍ଧା, ଅଭିମନ୍ୟୁ ମିର୍ଧା,ଯତିନ୍ଦ୍ର, ଉମାକାନ୍ତ ବେହେରା ପ୍ରମୁଖ ପରିଚାଳନା କରିଥିଲେ।
