ପ୍ରଜ୍ଞା ପଟ୍ଟନାୟକ18/05/2023 at 1:34 PM
ନୂଆଦିଲ୍ଲୀ: ରେକର୍ଡ ଭାଙ୍ଗିବ ତାତି। ଆଗାମୀ ୫ ବର୍ଷ ମଧ୍ୟରେ ବିଶ୍ବରେ ତାପମାତ୍ରା ବୃଦ୍ଧି ପାଇବା ସହ ସବୁଠୁ ଉତ୍ତପ୍ତ ହେବା ସମ୍ଭାବନା ରହିଛି। ଏ ନେଇ ବିଶ୍ୱ ପାଣିପାଗ ସଂଗଠନ ପକ୍ଷରୁ ପୂର୍ବାନୁମାନ କରିଛନ୍ତି।
୨୦୧୬ ପୃଥିବୀର ସବୁଠାରୁ ଉତ୍ତପ୍ତ ବର୍ଷ ଭାବେ ରେକର୍ଡ ହୋଇଛି। ଆଗାମୀ ୫ ବର୍ଷ ସବୁଠୁ ଉତ୍ତପ୍ତ ହେବା ନେଇ ୯୮ ପ୍ରତିଶତ ଆଶଙ୍କା ରହିଛି । ଏହାରି ମଧ୍ୟରେ ବିଶ୍ୱ ଭୂପୃଷ୍ଠ ତାପମାତ୍ରା ୧.୫ ଡିଗ୍ରୀ ସେଲସିଅସ ପାର କରିବ ବୋଲି କହିଛି ଡବ୍ଲ୍ୟୁଏମ୍ । ୨୦୨୩ ରୁ ‘୨୭ ପର୍ଯ୍ୟନ୍ତ ବିଶ୍ବ ତାପମାତ୍ରା ଅତ୍ୟଧିକ ବୃଦ୍ଧି ପାଇବ ବୋଲି ରିପୋର୍ଟ ପ୍ରକାଶ କରିଛି ଜାତିସଂଘ ସଂସ୍ଥା ବିଶ୍ୱ ପାଣିପାଗ ସଙ୍ଗଠନ ।
ସ୍ୱାସ୍ଥ୍ୟ, ଖାଦ୍ୟ ନିରାପତ୍ତା, ଜଳ ପରିଚାଳନା ଏବଂ ପରିବେଶ ପାଇଁ ଏହାର ସୁଦୂରପ୍ରସାରୀ ପ୍ରଭାବ ରହିବ ବୋଲି ପାଣିପାଗ ବିଭାଗର ମୁଖ୍ୟ ସଚିବ କହିଛନ୍ତି। ଏବେଠୁ ପ୍ରସ୍ତୁତ ନହେଲେ ଆଗକୁ ଅନେକ ସମସ୍ୟାର ସାମ୍ନା କରିବାକୁ ପଡିବ ବୋଲି ସେ କହିଛନ୍ତି।