ସମ୍ବଲପୁରବାସୀଙ୍କୁ ମିଳୁନି ବିଶୁଦ୍ଧ ପାନୀୟ ଜଳ: ୱାଟକୋ ମହା ପ୍ରବନ୍ଧକ ଙ୍କୁ ଘେରିଲା କଂଗ୍ରେସ
▪️ସମ୍ବଲପୁରବାସୀ ଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ କରିବାରେ ରାଜ୍ୟ ସରକାର ସମ୍ପୂର୍ଣ ବିଫଳ – କଂଗ୍ରେସ
▪️ଲୋକେ ବାରମ୍ବାର ଦାବି, ରାସ୍ତାରୋକ କଲେ ମଧ୍ୟ ଜନସ୍ୱାସ୍ଥ୍ୟ ବିଭାଗ (ୱାଟକୋ) ଖଣ୍ଡ ର ପଶୁନି ଚେତା
▪️ସହର ରେ ୨୦୧୪ ଭଳି ଜଣ୍ଡିସ୍ ବ୍ୟାପିବାର ଆଶଙ୍କା ଦେଖାଦେଇଛି – କଂଗ୍ରେସ
▪️୭ ଦିନ ଭିତରେ ଏହାର ସମାଧାନ କର, ନଚେତ ବଡ଼ ଧରଣ ର ଆନ୍ଦୋଳନ – କଂଗ୍ରେସ
▪️ୱାଟକୋ ଯୋଗାଉ ଥିବା ପାଣି ପିଇବା ଯୋଗ୍ୟ ନୁହେଁ ବୋଲି ରାଜ୍ୟ ଜନସ୍ୱାସ୍ଥ୍ୟ ବିଭାଗ ଚିଠି ଭୁଲ – ମହା ପ୍ରବନ୍ଧକ, ୱାଟକୋ
ସମ୍ବଲପୁର: ମହାନଗର ନିଗମ ଅଞ୍ଚଳ ରେ ଅତ୍ୟନ୍ତ ନିମ୍ନମାନର ଜଳଯୋଗାଣ ହେବା ନେଇ ଜ଼ିଲ୍ଲା କଂଗ୍ରେସ କମିଟି ସମ୍ବଲପୁର ଗଭୀର ଉଦବେଗ ପ୍ରକାଶ କରିଛି I ସହର ର ବିଭିନ୍ନ ପଡ଼ାରେ ପାନୀୟ ଜଳଯୋଗାଣର ବିକଳ ଚିତ୍ର ପଦାକୁ ଆସିଛି I ଲୋକେ ବାରମ୍ବାର ଦାବି, ରାସ୍ତାରୋକ କଲେ ମଧ୍ୟ ରାଜ୍ୟ ସରକାର ଜନସ୍ୱାସ୍ଥ୍ୟ ବିଭାଗ (ୱାଟକୋ) ଖଣ୍ଡ, ସମ୍ବଲପୁରବାସୀ ଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ କରିବାରେ ସମ୍ପୂର୍ଣ ବିଫଳ ହୋଇଛି I ସହର ରେ ୱାଟକୋ ଯୋଗାଉ ଥିବା ପାଣି ପିଇବା ଯୋଗ୍ୟ ନୁହେଁ I ଏଭଳି ଏକ ସାଙ୍ଘାତିକ ଚିଠି ରାଜ୍ୟ ସରକାର ଙ୍କ ଜନସ୍ୱାସ୍ଥ୍ୟ ବିଭାଗ ଗତ ୧୩ ତାରିଖ ୱାଟକୋକୁ ଦେଇଛି I ଚିଠି ରେ ମାନେଶ୍ଵର ଓ ବରେଇପାଲି ବିଶୋଧନାଗାରରୁ ସହର କୁ ଯୋଗାଣ ହେଉଥିବା ଜଳ ପିଇବା ଯୋଗ୍ୟ ନୁହେଁ ବୋଲି ସ୍ପଷ୍ଟ ଉଲ୍ଲେଖ ରହିଛି I ସହର ର ଦାନୀପାଲି, ଗୋପାଳମାଳ, ଧୁଚୁରାପଡ଼ା ଆଦି ଅଞ୍ଚଳ ରେ ମାରାତ୍ମକ ଜଣ୍ଡିସ୍ ଦେଖାଦେଇଛି I ସମ୍ବଲପୁରରେ ପୁଣି ୨୦୧୪ ଭଳି ଜଣ୍ଡିସ୍ ବ୍ୟାପିବାର ଆଶଙ୍କା ଦେଖାଦେଇଛି I ତଥାପି ସହର ରେ ଜଳଯୋଗାଣ ସ୍ଥିତିରେ କୌଣସି ସୁଧାର ଆସିବାର ଦେଖାଯାଉ ନାହିଁ ବୋଲି ଅଭିଯୋଗ କରି ଆଜି ୱାଟକୋ ମହା ପ୍ରବନ୍ଧକ ଶ୍ରୀ ବ୍ରମେଶ୍ୱର ଦାଶ ଙ୍କୁ କଂଗ୍ରେସ ଘେରାଉ କରିଥିଲା I ଜ଼ିଲ୍ଲା କଂଗ୍ରେସ କମିଟି ସଂଯୋଜକ ଶ୍ରୀ ଦୁର୍ଗା ପାଢ଼ୀ ଙ୍କ ନେତୃତ୍ୱ ରେ କଂଗ୍ରେସ କର୍ମୀ ମାନେ ୱାଟକୋ ମହାପ୍ରବନ୍ଧକ ଙ୍କୁ ଅଫିସ ରେ ଘେରାଉ କରି ଆଗାମୀ ୭ ଦିନ ମଧ୍ୟରେ ଏହାର ସମାଧାନ କରିବାକୁ ଦାବି କରିଛନ୍ତି I ନଚେତ ଏକ ଦାୟିତ୍ୱବାନ ଦଳ ଭାବରେ ଆଗାମୀ ଦିନ ରେ କଂଗ୍ରେସ ଏକ ବଡ଼ ଧରଣର ଆନ୍ଦୋଳନ କରିବ ଏବଂ ଏଥି ପ୍ରତି ସରକାର ଦାୟୀ ରହିବେ ବୋଲି ଜ଼ିଲ୍ଲା ସଂଯୋଜକ ଶ୍ରୀ ପାଢ଼ୀ ଚେତାବନୀ ଦେଇଛନ୍ତି I ତେବେ ୱାଟକୋ ଯୋଗାଉ ଥିବା ପାଣି ପିଇବା ଯୋଗ୍ୟ ନୁହେଁ ବୋଲି ରାଜ୍ୟ ଜନସ୍ୱାସ୍ଥ୍ୟ ବିଭାଗର ଚିଠି ଭୁଲଥିଲା ବୋଲି ୱାଟକୋ ମହା ପ୍ରବନ୍ଧକ ଶ୍ରୀ ଦାଶ ପ୍ରକାଶ କରିଥିଲେ I ଆଜିକାର ଏହି ଘେରାଉ ତଥା ଦାବି ପତ୍ର ପ୍ରଦାନ କାର୍ଯ୍ୟକ୍ରମ ରେ ଜ଼ିଲ୍ଲା ମହିଳା କଂଗ୍ରେସ ପୂର୍ବତନ ସଭାନେତ୍ରୀ ସୁତପା ମିତ୍ର, ସଂଖ୍ୟା ଲଘୁ ସେଲ ର ବାବୁ ଖାନ, ଏମ୍. ଡି. ସଲିମ, ନାରୀନେତ୍ରୀ କବିତା ପଟ୍ଟନାୟକ, ଡଲି ଅହମଦ, ଦଶରଥ ଦାସ, ଦିନେଶ ସାନବଡ଼, ପ୍ରଶାନ୍ତ ମହାନ୍ତି,ଅରୁଣ କୁମାର, ପ୍ରଦୀପ ରାଉତ, ଗୁଡୁ ଉପଲ, ଚନ୍ଦ୍ର ବାବୁ ପ୍ରମୁଖ ସାମିଲ ଥିଲେ।
