Odisha.News

Odia News Odisha.News,ଓଡ଼ିଆ ନିଉଜ, Odia Sambad, ଓଡ଼ିଆ ଖବର , Today News Odia, Odia News Portal, ବଡ ଖବର , Odisha Dot News

୨୫ ବର୍ଷ ରେ ଲଡୁଗାଁ ଠାରେ ଲକ୍ଷ୍ମୀ ପୂଜା, ଭବ୍ୟ କଳସ ଯାତ୍ରା ସହ ଅଧିବାସ।

କଳାହାଣ୍ଡି,୨୭/୧୧
କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡୁଗାଁ ପଞ୍ଚାୟତ ଲଡୁଗାଁ ଠାରେ ଚଳିତ ବର୍ଷ ଲକ୍ଷ୍ମୀ ପୂଜନୋତ୍ସଵ ର ୨୫ ବର୍ଷ ପୁର୍ତ୍ତ ଅବସରରେ ରୌପ୍ୟ ଜୟନ୍ତୀ ପାଳନ ଉତ୍ସଵ ୨୬ ନଭେମ୍ବର ରୁ ୫ ଡିସେମ୍ବର ପର୍ଯ୍ୟନ୍ତ ମହା ଆଡମ୍ବରରେ ଅଷ୍ଟଲକ୍ଷ୍ମୀ ପୂଜା ଅନୁଷ୍ଠିତ ହେଉଛି। ସୋମବାର ଅଷ୍ଟଲକ୍ଷ୍ମୀ ପୂଜନୋତ୍ସଵ ପାଇଁ କଳସ ଯାତ୍ରା ଓ ଅଧିବାସ ଅନୁଷ୍ଠିତ ହୋଇଯାଇଛି। ଘଣ୍ଟୁଆ,ସଂକୀର୍ତ୍ତନ ଓ ବିଭିନ୍ନ ସାଂସ୍କୃତିକ ଦଳ କଳାକାର ଙ୍କ ଏକ ବିରାଟ ଶୋଭାଯାତ୍ରାରେ ଲଷ୍ମୀ ପୂଜାକର୍ତ୍ତା ଭାବେ ଶ୍ରୀ ଅନୁପ କୁମାର ଅଗ୍ରୱାଲ ସ୍ବପତ୍ନୀକ ଓ ମହାଲକ୍ଷ୍ମୀ ପୂଜାକର୍ତ୍ତା ଭାବେ ଶ୍ରୀ ବଜରଙ୍ଗ ଅଗ୍ରୱାଲ ସ୍ବପତ୍ନୀକ ଦାୟିତ୍ୱ ନିର୍ବାହ କରୁଛନ୍ତି । ଅଷ୍ଟଲକ୍ଷ୍ମୀ ପାର୍ଶ୍ଵ କର୍ତ୍ତା ଭାବେ ମୋହନ ଚରଣ ଦାସ, ସୁଧୀର କୁମାର ଦାସ,ରତି ରଞ୍ଜନ ଦାଶ, ରୂପସିଂ ଧଙ୍ଗଡା ମାଝୀ, ଜିତେନ୍ଦ୍ର ମାଝୀ, ଦୀପକ ଅଗ୍ରୱାଲ, ଗଣେଶ କାଣ୍ଡି ସ୍ବପତ୍ନୀକ ଦାୟିତ୍ୱ ତୁଲାଇବେ। ଚଳିତ ବର୍ଷ ଶ୍ରୀମନ୍ଦିର ର ଆକୃତି ତୋରଣ ସହ ଜଗନ୍ନାଥ ମନ୍ଦିର ର କାରୁକାର୍ଯ୍ୟ କୁ ମଣ୍ଡପ ରେ ସ୍ଥାନିତ କରାଯାଇଛି।ଯାହାକି ମନଲୋଭା ସହ ଆକର୍ଷଣୀୟ ହୋଇଛି। ଲକ୍ଷ୍ମୀ ପୂଜା ରେ ଲକ୍ଷ୍ମୀ ଠାକୁରାଣୀ ଙ୍କ ମାହାତ୍ମ୍ୟ କୁ ନେଇ କେଳିକୁଞ୍ଜ ରୂପ ଦିଆଯାଇଛି। ଏହା ବ୍ୟତୀତ ପ୍ରତି ସନ୍ଧ୍ୟାରେ ମୁକ୍ତ ରଙ୍ଗମଞ୍ଚ ରେ ମରାସୁର ବଧ ନାଟକ ମଞ୍ଚସ୍ତ ସହ ଅନେକ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଛି।
ଲକ୍ଷ୍ମୀ ପୂଜା କମିଟି ପକ୍ଷରୁ ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ଙ୍କ ତତ୍ୱାବଧାନ ରେକମିଟି ସଭାପତି କିଶୋର ଚନ୍ଦ୍ର ଦାସ, ଉପ ସଭାପତି ମୋହନ ଚରଣ ଦାସ, ପବନ ଅଗ୍ରୱାଲ, ସମ୍ପାଦକ କଂହେଇ ଚରଣ ଦାସ,ସହ ସମ୍ପାଦକ ଶ୍ରୀମନ୍ତ ପାଢ଼ୀ, କିଶନ ଧଙ୍ଗଡା ମାଝୀ, କୋଷାଧ୍ୟକ୍ଷ ଅଖିଳ ଚନ୍ଦ୍ର ଦାସ, ଭୁପେନ୍ଦ୍ର ଦାସ ରହିଥିବା ବେଳେ ମହାଲକ୍ଷ୍ମୀ ପୂଜା ସ୍ଥାୟୀ କମିଟିର ସଭାପତି ଗଗନ ବିହାରୀ ଦାସ, ଉପ ସଭାପତି ରମେଶ ଚନ୍ଦ୍ର ସାହୁ, ସମ୍ପାଦକ ସୁଦର୍ଶନ ନାଏକ, ସହ ସମ୍ପାଦକ ରୂପସିଂ ଧଙ୍ଗଡା ମାଝୀ,କୋଷାଧ୍ୟକ୍ଷ ଅଖିଳ ଚନ୍ଦ୍ର ଦାସ ପ୍ରମୁଖ ରହିଛନ୍ତି।ଲଡୁଗାଁ ଗ୍ରାମବାସୀ ମାନେ ସମସ୍ତ ପୂଜାକାର୍ଯ୍ୟ ପରିଚାଳନା ରେ ସହଯୋଗ କରୁଛନ୍ତି।

ତାଜା ଖବରର ଅପଡେଟ୍ ପାଇବା ପାଇଁ ଆମର ଆପ୍ ଡାଉନଲୋଡ୍ କରନ୍ତୁ