Hyderabad Fake Currency Racket: ହାଇଦ୍ରାବାଦରେ ଜାଲ୍ ନୋଟ୍ କାରବାରରେ ଏକ ବଡ ରାକେଟ୍ ର ପର୍ଦ୍ଦାଫାଶ: ୬.୭୮ କୋଟି ଟଙ୍କାର ଜାଲ୍ ୫୦୦ ନୋଟ୍ ଜବତ, ୪ ଅଭିଯୁକ୍ତ ଗିରଫ
ହାଇଦ୍ରାବାଦ: ହାଇଦ୍ରାବାଦରେ ଜାଲ୍ ନୋଟ୍ କାରବାରର ଏକ ବଡ଼ ରାକେଟ୍କୁ ପୁଲିସ ଧରିଛି। ଏହି ଘଟଣାରେ ୬.୭୮ କୋଟି ଟଙ୍କା ମୂଲ୍ୟର ନକଲି ୫୦୦ ଟଙ୍କିଆ ନୋଟ୍ ଜବତ ହୋଇଥିବା ବେଳେ ୪ ଜଣଙ୍କୁ ଗିରଫ କରାଯାଇଛି। ଅଭିଯୁକ୍ତମାନେ ଏକ ଭଡ଼ା ଘରେ ନକଲି ନୋଟ୍ ଛାପିବା କାମ ଚଳାଉଥିବା ତଦନ୍ତରୁ ଜଣାପଡ଼ିଛି।
ପୁଲିସ ଚଢ଼ାଉ ସମୟରେ ନକଲି ପୁଲିସ ପରିଚୟପତ୍ର, ଡମି ପିସ୍ତଲ ଓ ୱାକି-ଟକି ମଧ୍ୟ ଜବତ କରିଛି। ଏହି ସାମଗ୍ରୀ ବ୍ୟବହାର କରି ଅଭିଯୁକ୍ତମାନେ ନିଜକୁ ପୁଲିସ କର୍ମଚାରୀ ବୋଲି ପରିଚୟ ଦେଉଥିବା ଅଭିଯୋଗ ରହିଛି।
ପୁଲିସକର୍ମୀଙ୍କ ପରିଚୟ ଦେଇ ଲୋକଙ୍କୁ ଠକିବା ସହ ସେମାନଙ୍କଠାରୁ ଅସଲି ଟଙ୍କା ଆଦାୟ କରୁଥିବା ନେଇ ମଧ୍ୟ ଅଭିଯୁକ୍ତଙ୍କ ବିରୋଧରେ ଅଭିଯୋଗ ହୋଇଛି। ଜବତ ନକଲି ନୋଟ୍ ଓ ଅନ୍ୟ ସାମଗ୍ରୀର ଉତ୍ସ ସମେତ ଏହି ରାକେଟ୍ରେ ଆଉ କେହି ସାମିଲ ଅଛନ୍ତି କି ନାହିଁ, ସେନେଇ ପୁଲିସର ତଦନ୍ତ ଜାରି ରହିଛି।
