ବରଗଛ ରେ ନିଆଁ ଲାଗି ଘର ଉପରେ ପଡି ଘର ଭାଙ୍ଗିଲା

ସୌମିତ୍ରି ମେହେର

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ବମରାଜ ଗ୍ରାମରେ ଏକ ବିରାଟକାୟ ବରଗଛରେ ସୋମବାର ସନ୍ଧ୍ୟାରେ ନିଆଁ ଲାଗିଯାଇ ଥିବା ବେଳେ ପବନ ହେବାରୁ ତୀବ୍ର ବେଗରେ ନିଆଁ ଚାରିଆଡ଼େ ବ୍ୟାପି ଯାଇଥିଲା l ବୀରମହାରାଜପୁର ଦମକଳ ବାହିନୀ ଖବରପାଇ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ସୋମବାର ମଙ୍ଗଳବାର ଦୁଇ ଦିନ ଧରି ଉକ୍ତ ନିଆଁ କୁ ଲିଭେଇ ଥିଲା l ହେଲେ ଗ୍ରାମର ଗରୀବ ଦୀନ ମଜୁରିଆ ଅଶୋକ ବାରିକଙ୍କ ପ୍ରଧାନମନ୍ତ୍ରୀ ଆବାସ ଯୋଜନା ଘର ଉପରେ ପଡି କାନ୍ଥ ଛାତ ସବୁ ଫାଟି ଆଁ କରିଛି l ଫଳରେ ଅଶୋକ ର ପରିବାର ଉକ୍ତ ଘରେ ରହିବାକୁ ଭୟ କରୁଛନ୍ତି l ଏ ସମ୍ପର୍କରେ ଅଶୋକ ଉଲୁଣ୍ଡା ତହସିଲଦାର ଙ୍କୁ କ୍ଷତି ପୂରଣ ପାଇଁ ଦାବୀ କରିଛନ୍ତି l