କୋକସରା:୦୯/୦୭ କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ରେଙ୍ଗାଳପାଲି ଓ ଝରିଆଗୁଡ଼ା ରାସ୍ତା ର ଜୁନାପଡା ନିକଟରେ ଥିବା ଏକ ଚାଷ ଜମି ରେ ରେଙ୍ଗାଳପାଲି ଗ୍ରାମର ଯୁବକ ଜୟପତି ମାଝୀ (୪୫) ର ବେକ ରେ ଗାମୁଛା ଲଗାଇ ମୃତଦେହ ଗଛ କୁ ଆଉଜି ରହିଥିବା ବେଳେ ଯୁବକ ର ଯୁବକଙ୍କ ଶରୀର ରେ ଅନେକ କ୍ଷତ ସହ ରକ୍ତ ଛିଟା ରହିଛି, ଯାହାକୁ ନେଇ ପରିବାର ଲୋକେ ଓ ଗ୍ରାମବାସୀ ଏହା ଯୋଜନାବଦ୍ଧ ହତ୍ୟାକାଣ୍ଡ ବୋଲି ସନ୍ଦେହ ପ୍ରକାଶ କରିଛନ୍ତି। ଖବର ପାଇ କୋକସରା ପୋଲିସ ଘଟଣାସ୍ଥଳରେ ପହଞ୍ଚି ପାରିପାର୍ଶ୍ବିକ ଅବସ୍ଥା ଅନୁଧ୍ୟାନ କରିବା ପରେ ପରିବାର ହତ୍ୟା ଅଭିଯୋଗ ଅନୁସାରେ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ସାହାଯ୍ୟ ରେ ତଦନ୍ତ କରିଛନ୍ତି। ସୂଚନା ଅନୁସାରେ ରେଙ୍ଗାଳପାଲି ଗ୍ରାମର ଜୟପତି ମାଝୀ ଶନିବାର ସକାଳୁ ଘରୁ ବାହାରି ନ ଫେରିବାରୁ ଗତକାଲି ସନ୍ଧ୍ୟା ଓ ରାତିରେ ପରିବାର ଲୋକେ ଖୋଜାଖୋଜି ପରେ ମଧ୍ୟ ସନ୍ଧାନ ପାଇ ନଥିଲେ। ରବିବାର ସକାଳୁ କିଛି ସ୍ଥାନୀୟ ଲୋକେ ଜୟପତି ର ଶବ ଗଛ ତଳେ ଆଉଜି ହୋଇ ରହିଥିବା ଦେଖି ପରିବାର କୁ ଖବର ଦେଇଥିଲେ। ପୋଲିସ ଶବ ଜବତ କରି କୋକସରା ଡାକ୍ତରଖାନା ରେ ବ୍ୟବଚ୍ଛେଦ ପରେ ପରିବାର ଙ୍କୁ ହସ୍ତାନ୍ତର କରିଛି।ଏନେଇ କୋକସରା ଥାନା ରେ ଅପମୃତ୍ୟୁ ୧୪/୨୩ ମାମଲା ରୁଜୁ କରି ତଦନ୍ତ ଜାରି ରହିଥିବା ନେଇ ତଦନ୍ତକାରୀ ପୋଲିସ ଅଧିକାରୀ ସୂଚନା ଦେଇଛନ୍ତି। ଜୟପତି ରେଙ୍ଗାଳପାଲି ପଞ୍ଚାୟତ ରେ ଝାଡୁଦାର ଥିଲେ ଓ ମାଛ ବ୍ୟବସାୟ କରୁଥିବା ବେଳେ ଘରେ ସ୍ତ୍ରୀ ସହ ଦୁଇ ଝିଅ ଓ ଜଣେ ପୁଅ ରହିଛନ୍ତି।
ଯୁବକଙ୍କ ସନ୍ଦେହଜନକ ଅବସ୍ଥାରେ ମୃତ ଦେହ ଠାବ, ହତ୍ୟା ଆଣିଲେ ପରିବାର,ପୋଲିସ ର ତଦନ୍ତ ଜାରି।
