ସନତ କୁମାର ପ୍ରାଧନୀ11/08/2023 at 7:36 PM
କୋକସରା,୧୧/୦୮:.କୋକସରା ବ୍ଲକର ମୋଟେର ଠାରେ ଶ୍ରୀ ସାଇ ବାବାଙ୍କ “ଦିବ୍ୟ ଚରଣ ପାଦୁକା ଯାତ୍ରା” ପହଞ୍ଚିଛି। ମୋଟେର ଗ୍ରାମରେ ସାଇ ଭକ୍ତ ଓ ଶ୍ରଦ୍ଧାଳୁ ଯାତ୍ରା ରଥକୁ ସ୍ୱାଗତ କରିଥିଲେ। ଏହା ପରେ ସ୍ଥାନୀୟ ଦୁର୍ଗା ମଣ୍ତପ ଠାରୁ ସାଇ ବାବାଙ୍କ ‘ଦିବ୍ୟ ଚରଣ ପାଦୁକା ଯାତ୍ରା-ରଥ ବାହାରି ବହୁ ଶ୍ରଦ୍ଧାଳୁ ଓ ଭକ୍ତ ଖୋଲା କୀର୍ତ୍ତନ କରି ନଗର ପରିକ୍ରମା କରାଇଥିଲେ । ଜଗଦୀଶ ସରାପ, ମହେଶ୍ବର ସରାପ, ଦୁଷ୍ମନ୍ତ ପାଟ୍ଟଯୋଷୀ, ବିଧୁଭୂଷଣ ପାଟ୍ଟଯୋଷୀ, ରାମ ନାରାୟଣ ପୂଝାରୀ, ଗୋକୁଲାନନ୍ଦ ସରାପ, ଯାମିନି କାନ୍ତ ସରାପ, ମାଧବ ଝାଙ୍କର ପ୍ରମୁଖ ନଗର ପରିକ୍ରମାରେ ସାମିଲ ଥାଇ ଉକ୍ତ କାର୍ଯ୍ୟକ୍ରମକୁ ସହଯୋଗ କରିଥିଲେ । ଗାଁ ଦାଣ୍ଡରେ ମା ଭଉଣୀ ମାନେ ଦିବ୍ୟ ଚରଣ ପାଦୁକାକୁ ବନ୍ଦାପନା କରିଥିଲେ । ରଥ ଗ୍ରାମ ପରିକ୍ରମା ସାରିବା ପରେ ଦୂର୍ଗା ମଣ୍ଡପ ଠାରେ ପୁନର୍ବାର ପୂଜାର୍ଚ୍ଚନା କରାଯାଇଥିବା ବେଳେ ପରିଶେଷରେ ଶ୍ରଦ୍ଧାଳୁ ଓ ଭକ୍ତ ଅନ୍ନ ଭୋଗ ପ୍ରସାଦ ସେବନ କରିଥିଲେ। ଆଜି ସନ୍ଧ୍ୟାରେ ନିକଟସ୍ଥ କର୍ଲାକୋଟ ଗ୍ରାମ ଅଭିମୁଖେ ଯାତ୍ରା କରିଛି। ଶ୍ରୀ ସାଇ ବାବାଙ୍କ “ଦିବ୍ୟ ଚରଣ ପାଦୁକା ଯାତ୍ରା” ଅଢେ଼ଇ ବର୍ଷ ହେବ ବିଭିନ୍ନ ସ୍ଥାନ ପରିକ୍ରମା ଜାରି ରହିଛି।