ରଏନଗୁଡା ଗାଁ ରାସ୍ତା ସଫା କରାଇଲେ ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ

ସନତ କୁମାର ପ୍ରାଧନୀ

କୋକସରା:୨୬/୦୮:କୋକସରା ବ୍ଲକ ବଡ଼ ପୋଡ଼ାଗୁଡା ପଞ୍ଚାୟତ ରଏନଗୁଡା ଗାଁ ରାସ୍ତା ଅଲ୍ପ ବର୍ଷା ରେ ମଇଳା ଆବର୍ଜନା ଜମା ହୋଇ କାଦୁଅ ହୋଇ ଗ୍ରାମବାସୀ ଙ୍କ ଯାତାୟାତ ପାଇଁ ସମସ୍ୟା ଦେଖା ଦେଇଥିବା ବେଳେ ଏନେଇ ଗତ କିଛିଦିନ ତଳେ ଗାଁ ର ଜଣେ ସମାଜସେବୀ ଯୁବକ ଗଣେଶ ଭାଟି ସୋସିଆଲ ମିଡ଼ିଆ ରେ ପୋଷ୍ଟ କରି ରାସ୍ତା ମରାମତି କରିବା ପାଇଁ କୋକସରା ବ୍ଲକ ଅଧ୍ୟକ୍ଷା ଓ ଉପାଧ୍ୟକ୍ଷ ଙ୍କୁ ଅନୁରୋଧ କରିଥିଲେ। ସମସ୍ୟା କୁ ଗୁରୁତ୍ୱ ଦେଇ କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ ଜେସିବି ଗାଡି ଓ ଟ୍ରାକ୍ଟର ଲଗାଇ ନିଜେ ଉପସ୍ଥିତ ରହି ଗ୍ରାମବାସୀ ଙ୍କ ସହ ଆଲୋଚନା କରି ଗାଁ ରାସ୍ତା ର ମଇଳା ଆବର୍ଜନା ସଫାସୁତୁରା କରାଇଛନ୍ତି, ଫଳରେ ଗାଁ ରାସ୍ତା ରେ ଯାତାୟାତ ବର୍ତ୍ତମାନ ସ୍ୱାଭାବିକ ହୋଇଛି। ଉପାଧ୍ୟକ୍ଷ ଙ୍କ ଜନସେବା କୁ ନେଇ ରଏନଗୁଡା ଗ୍ରାମବାସୀ ମାନେ କୃତଜ୍ଞତା ଜଣାଇଛନ୍ତି।