ବଙ୍ଗୋପସାଗରରେ ଲଘୁଚାପ ସୃଷ୍ଟି, ୮  ତାରିଖ ଯାଏ ପ୍ରବଳ ବର୍ଷା

ଭୁବନେଶ୍ୱର: ଉତ୍ତର ପଶ୍ଚିମ ଓ ପଶ୍ଚିମ କେନ୍ଦ୍ରୀୟ  ବଙ୍ଗୋପସାଗରରେ ସୃଷ୍ଟି ଲଘୁଚାପ ପ୍ରଭାବରେ ରାଜ୍ୟରେ ୮  ତାରିଖ ଯାଏ ପ୍ରବଳ ବର୍ଷା ରହିଛି । ଭାରତୀୟ ପାଣିପାଗ  ବିଭାଗ(ଆଇଏମଡି) ଅନୁଯାୟୀ, ଲଘୁଚାପ ପ୍ରଭାବରେ ରାଜ୍ୟରେ ମଧ୍ୟମରୁ ପ୍ରାୟତଃ ଭୀଷଣ ବର୍ଷା ହେବାର ସମ୍ଭାବନା ରିହିଛି।

ଆଇଏମ୍‌ଡି ଆକଳନ ଅନୁସାରେ, ଦକ୍ଷିଣ ଓଡ଼ିଶା ଓ ଉତ୍ତର ଆନ୍ଧ୍ରପ୍ରଦେଶ  ଉପକୂଳରେ ଉତ୍ତର ପଶ୍ଚିମ ବଙ୍ଗୋପସାଗର ଉପରେ ଲଘୁଚାପ  କ୍ଷେତ୍ର ସୃଷ୍ଟି ହୋଇଛି । ଆସନ୍ତା ୨୪  ଘଣ୍ଟାରେ ଏହା ପଶ୍ଚିମ ଦିଗରେ  ମୁହାଁଇ ଉତ୍ତର ଓଡ଼ିଶା ଓ ଉତ୍ତର  ଛତିଶଗଡ଼ ଆଡ଼କୁ ଗତି କରିବ ।  ଲଘୁଚାପ ପ୍ରଭାବରେ ୮ ତାରିଖ ଯାଏ ଉପକୂପରୁ ଅଭ୍ୟନ୍ତରଣ ଓଡ଼ିଶାରେ ପ୍ରବଳ ବର୍ଷା ହେବ । ୬ ଓ ୭ରେ ବର୍ଷାର ବିସ୍ତୃତି ବଢ଼ିବ। ଏ ନେଇ ୧୫ ଜିଲ୍ଲାକୁ ଆଲର୍ଟ କରାଯାଇଛି।

ଆଞ୍ଚଳିକ ପାଣିପାଗ କେନ୍ଦ୍ରର ଅନୁଯାୟୀ, ୬ ତାରିଖରେ ମାଲକାନଗିରି, କୋରାପୁଟ,  ନବରଙ୍ଗପୁର, ରାୟଗଡ଼ା, କଳାହାଣ୍ଡି,  ନୂଆପଡ଼ା, ବଲାଙ୍ଗୀର, ବରଗଡ଼,  ସମ୍ବଲପୁର, ସୋନପୁର, ବୌଦ୍ଧ,  ସୁନ୍ଦରଗଡ଼, ଝାରସୁଗୁଡ଼ା, ଦେବଗଡ଼,  କେନ୍ଦୁଝର ଓ ମୟୂରଭଞ୍ଜ ଜିଲ୍ଲାରେ ପ୍ରବଳ ବର୍ଷା ରହିଛି।

ସେହିପରି ୭ତାରିଖରେ ନୂଆପଡ଼ା, ବଲାଙ୍ଗୀର,  ବରଗଡ଼, ସୋନପୁର, ବୌଦ୍ଧ,  ସମ୍ବଲପୁର, ଝାରସୁଗୁଡ଼ା, ଦେବଗଡ଼,  ଅନୁଗୁଳ, କଟକ, କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ଜିଲ୍ଲାରେ  ପ୍ରବଳ ବର୍ଷା ହୋଇପାରେ । ୮ତାରିଖରେ ବରଗଡ଼, ଝାରସୁଗୁଡ଼ା, ସମ୍ବଲପୁର,  ସୁନ୍ଦରଗଡ଼, ଦେବଗଡ଼, କେନ୍ଦୁଝର ଓ ମୟୂରଭଞ୍ଜ ଜିଲ୍ଲା କିଛି ସ୍ଥାନରେ  ପ୍ରବଳ ହେବାର ବର୍ଷା ସମ୍ଭାବନା ଅଛି ।