ପୁରୀ ହେବ ବିଶ୍ବସ୍ତରୀୟ ଐତିହ୍ୟ ସହର
ଓଡ଼ିଶା: ଖୁବ୍ ଶୀଘ୍ର ପୁରୀ ହେବ ବିଶ୍ବସ୍ତରୀୟ ଐତିହ୍ୟ ସହର। ଏ ନେଇ ସୂଚନା ଦେଇଛି ପୂର୍ତ୍ତ ବିଭାଗ। ୨୦୨୪ ମାର୍ଚ୍ଚ ସୁଦ୍ଧା ପୁରୀ ହେବ ବିଶ୍ବସ୍ତରୀୟ ହେରିଟେଜ୍ ସହର। ଏହା ବ୍ୟତୀତ ୬ ଲେନ୍ ବିଶିଷ୍ଟ କଟକ ରିଂ ରୋଡ, ୪ ଲେନ୍ ବିଶିଷ୍ଟ କଟକ-ପାରାଦୀପ ରାସ୍ତା ନିର୍ମାଣ ସହ ବ୍ରହ୍ମପୁର- ଜୟପୁର ୪ ଲେନ୍ ରାସ୍ତା ନିର୍ମାଣ ଯୋଜନାକୁ ଏଥିରେ ସାମିଲ କରାଯାଇଛି।
ଏଥର ୩ ହଜାର କିଲୋମିଟର ପାଇଁ ୪୬ ଶହ କୋଟି ଟଙ୍କାର ବ୍ୟବସ୍ଥା ହୋଇଛି। ଅବଢା ଯୋଜନାରେ ୨୨୪ କୋଟି , ଐତିହ୍ୟ କ୍ଷେତ୍ରରେ ବିକାଶ ପାଇଁ ୧୫୮ କୋଟିର ବ୍ୟବସ୍ଥା ରହିଛି। ଏଥି ସହିତ ମେଡିକାଲ କଲେଜ, ଆଦର୍ଶ ବିଦ୍ୟାଳୟ, କୋର୍ଟ ବିଲ୍ଡିଂ ଓ କ୍ରୀଡା ଭିତ୍ତିଭୂମି ଭଳି ଦାୟିତ୍ବ ମଧ୍ୟ ପୂର୍ତ୍ତ ବିଭାଗ ହାତରେ ରହିଛି।
