ଜଗନ୍ନାଥ ନାଏକ6/10/2023 at 8:53 PM
ଭବାନୀପାଟଣା, ୦୬/୧୦ (ଜଗନ୍ନାଥ ନାଏକ) : ରିଖରେ ସ୍ଥାନୀୟ ତାରିଣୀ ମନ୍ଦିର ସ୍ଥିତ ସ୍ୱାମୀ ବିବେକାନନ୍ଦ ପବ୍ଲିକ ସ୍କୁଲ ଠାରେ ସ୍କ୍ରବ ଟାଇଫସ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି | ସ୍କୁଲ ର ପ୍ରତିଷ୍ଠାତା ଓ ଅଧ୍ୟକ୍ଷ ଡ଼. ଶିବରାମ ନାୟକ ସଭାପତିତ୍ୱ କରିଥିବା ବେଳେ ଡା. ପୂର୍ଣ୍ଣଚନ୍ଦ୍ର ପଣ୍ଡା ମୁଖ୍ୟ ଅତିଥି ରୂପେ ଉପସ୍ଥିତି ରହି ଚିଗର୍ସ କୀଟ କାମୁଡ଼ିଲେ ସ୍କ୍ରବ ଟାଇଫସ ରୋଗ ହୋଇଥାଏ, ବିଲ ଓ ଜଙ୍ଗଲ କୁ ଗଲେ ସ୍କ୍ରବ ଟାଇଫସ ର ସମ୍ଭବନା ଅଧିକ ଥାଏ, ସ୍କ୍ରବ ଟାଇଫସ ର ମୁଖ୍ୟ ଲକ୍ଷଣ ମୁଣ୍ଡ ବ୍ୟଥା, ଥଣ୍ଡା ହେବା, ଶରୀର ଆଣ୍ଠୁଗଣ୍ଠି ବିନ୍ଧା ହେବା ଓ ଏହାର ପ୍ରତିକାର ଉପରେ ଛାତ୍ରଛାତ୍ରୀ ଙ୍କୁ ସଚେତନତା କରାଇଥିଲେ | ଟିକେମଣି ଶବର, ସାରଥୀ ସୋସାଇଟି (ଛତିଶଗଡ) ର ମୁଖ୍ୟ ଅମିତ ଜୟସଶ୍ୱାଳ ଅତିଥି ରୂପେ ଯୋଗ ଦେଇଥିବା ବେଳେ ସ୍କୁଲର ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି କର୍ମଶାଳା ଟିକୁ ସହଯୋଗ କରିଥିଲେ ଶିକ୍ଷକ ସମ୍ପଦ ମୁଣ୍ଡ ଧନ୍ୟବାଦ ଦେଇଥିଲେ