ଜଗନ୍ନାଥ ନାଏକ22/11/2023 at 12:35 PM
କଳାହାଣ୍ଡି, ୨୨/୧୧ (ଜଗନ୍ନାଥ ନାଏକ) : କଳାହାଣ୍ଡି ଜ଼ିଲ୍ଲା ଜୟପାଟଣା ଥାନା ଅଁଲାଭଟା ପଂଚାୟତ ଅନ୍ତର୍ଗତ ଟିଂଗୋପଖାନ ଗାଁର ବୁଧୁରାମ ମାଝୀ ନିଜ ସ୍ତ୍ରୀ ମଙ୍ଗଳଦେଇ ମାଝୀ(୪୫)କୁ ମାଡ଼ ମାରି ହତ୍ୟା କରିଥିବା ଜଣାପଡିଛି | ସୂଚନା ମୁତାବକ ଗତ ସୋମବାର ବିଳମ୍ବିତ ରାତିରେ ଦୁହିଁଙ୍କ ମଧ୍ୟରେ କୌଣସି କଥାକୁ ଝଗଡା ସୃଷ୍ଟି ହୋଇଥିଲା | ଏଥିରେ ସ୍ୱାମୀ ବୁଧୁରାମ ମାଝୀ ଉତ୍ୟକ୍ତ ହୋଇ ସ୍ତ୍ରୀକୁ ନିର୍ଧୁମ ମାଡ଼ ମାରିବାରୁ ସ୍ତ୍ରୀ ର ଘଟଣା ସ୍ଥଳରେ ହିଁ ମୃତ୍ୟୁ ହୋଇ ଯାଇଥିଲା |ରାତିରେ ମଙ୍ଗଳଦେଇ ର ସ୍ୱାମୀ ର ମାଡ଼ରେ ମୃତ୍ୟୁ ହୋଇଥିଲେ ମଧ୍ୟ ସ୍ତ୍ରୀ ପରିବାରକୁ କିମ୍ବା ପୋଲିସ କୁ ବୁଧବାରୁ ର ପରିବାର ଲୋକେ ଜଣାଇ ନ ଥିଲେ |ଘଟଣାଟିର ଖବର ସ୍ଥାନୀୟ ପୋଲିସ କୌଣସି ମତେ ଜାଣିପାରି ମଙ୍ଗଳବାର ଅପରାହ୍ନ ସମୟରେ ଟିଂଗୋପଖାନ ଗାଁକୁ ଆସି ଶବକୁ ଜବତ କରି ବ୍ୟବଚ୍ଛେଦ ପାଇଁ ଜୟପାଟଣା ଡାକ୍ତରଖାନାକୁ ନେଇଥିଲେ | ମଙ୍ଗଳଦେଇ ର ପରିବାର ଲୋକେ ପହଂଚି ଏହା ବୁଧୁବାରୁ ନିର୍ଧୁମ ମାଡ଼ ମାରିଥିବାରୁ ମଙ୍ଗଳଦେଇ ର ମୃତ୍ୟୁ ହୋଇଛି ବୋଲି ଜୟପାଟଣା ପୋଲିସ ନିକଟରେ ଏକ ଲିଖିତ ଅଭିଯୋଗ କରିଛନ୍ତି | ଏ ନେଇ ପୋଲିସ ଘଟଣା ର ଅଧିକ ତଦନ୍ତ କରୁଥିବା ବେଳେ ସ୍ୱାମୀ ବୁଧୁବାରୁ ଫେରାର ହୋଇ ଥିବା ଜଣାପଡିଛି | ମୃତ ମଙ୍ଗଳଦେଇ ର ଶବକୁ ବ୍ୟବଚ୍ଛେଦ କଲାପରେ ସବୁ ଜଣାପଡିବ ବୋଲି ପୋଲିସ ସୂତ୍ରରୁ ଖବର ପ୍ରକାଶ ହୋଇଛି |