ରବୀନ୍ଦ୍ର ପ୍ରସାଦ ଦାନୀ22/11/2023 at 8:33 PM
ଜମନକିରା : ଓଡ଼ିଶା ସରକାରଙ୍କ ଖେଳ ଓ ଯୁବ ବିକାଶ ଯୋଜନାର ନିର୍ଦ୍ଦେଶ କ୍ରମେ ଷଣ୍ଢପଥର ଉଚ୍ଚ ମାଧ୍ୟମିକ ବିଦ୍ୟାଳୟ ତରଫରୁ ସ୍ୱଚ୍ଛତା ଅଭିଯାନ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି। ଅଧ୍ୟକ୍ଷା ଜ୍ୟୋତିର୍ମୟୀ ଜ୍ୟୋତ୍ସ୍ନା ଦାଶଙ୍କ ନେତୃତ୍ୱରେ ବିଦ୍ୟାଳୟର ଛାତ୍ରଛାତ୍ରୀ ମାନେ ସ୍ୱଚ୍ଛତା ଅଭିଯାନର ସ୍ଲୋଗାନ ଦେଇ ଗ୍ରାମ ପରିକ୍ରମା କରି ଷଣ୍ଢପଥର ବଜାର ସଫେଇ ଓ ଗ୍ରାମର ସମସ୍ତ ନଳକୂପର ଚତୁର୍ପାଶ୍ଵ ସଫା କରିବା ସହିତ ନାରୀ ଶିକ୍ଷା ପ୍ରୋତ୍ସ।ହନ ନିମନ୍ତେ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ ନୃତ୍ୟ ଓ ସଙ୍ଗୀତ ମାଧ୍ୟମରେ ସଚେତନତା ବାର୍ତ୍ତା ପ୍ରଚାର କରିଥିଲେ। ଏହି କାର୍ଯ୍ୟକ୍ରମରେ ଶତାଧିକ ଛାତ୍ରୀଛାତ୍ରଙ୍କ ସମେତ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ସନ୍ତୋଷ କୁମାର ପ୍ରଧାନ, ତୃପ୍ତି ପଟେଲ, ମଧୁସ୍ମିତା ବେହେରା, ସୁନୀତା ବେହେରା, ଅର୍ପିତା ରାୟ, ସଂଯୁକ୍ତା ମୁଦୁଲି ଏବଂ ଅନ୍ୟ କର୍ମଚାରୀ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।