ସନତ କୁମାର ପ୍ରାଧନୀ23/11/2023 at 4:37 PM
କୋକସରା୨୩/୧୧ ଭିଜିଲାନ୍ସ ଜାଲରେ ଲାଞ୍ଚୁଆ ପଞ୍ଚାୟତ ଜିଆରଏସ । ମନରେଗା ଯୋଜନାରେ କାମ ବାବଦ ରେ ୧୫ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡିଲେ ଜିଆରଏସ । କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ବଡ କର୍ଲାକୋଟ ପଞ୍ଚାୟତର ଜିଆରଏସ ମାରଗେରେଟ ପାଣିଗ୍ରାହୀ ଙ୍କୁ ଲାଞ୍ଚ ନେବା ବେଳେ ଧରିଲା କଳାହାଣ୍ଡି ଭିଜିଲାନ୍ସ। ମନରେଗା କାମ ପାଇଁ ସିଲାଇଜୋରର ବାବୁଲି ହରିଜନଙ୍କ ଠାରୁ ୧୫ ହଜାର ଟଙ୍କା ଲାଞ୍ଚ ନେଇ ଥିଲେ । ପରେ ବାବୁଲି ଏନେଇ ଭିଜିଲାନ୍ସର ଦ୍ବାରସ୍ଥ ହୋଇଥିବା ବେଳେ ଆଜି ମାରଗେରେଟଙ୍କ ମୁଖିଗୁଡ଼ା ବାସଭବନରେ ଭିଜିଲାନ୍ସ ରେଡ୍ କରିଥିଲା । ତାଙ୍କ ଘରୁ ନଗଦ ୧୫ ହଜାର ଟଙ୍କା ଜବତ କରିବା ସହ ମାରଗେରେଟଙ୍କୁ ଗିରଫ କରିଛି ।