ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ12/02/2024 at 2:25 PM
ପୁରୀ: ପଣା ସଂକ୍ରାନ୍ତି କେବେ ପାଳନ ହେବ ସେ ନେଇ ଦ୍ୱନ୍ଦ୍ୱ ଦୂର ହୋଇଛି । ଏପ୍ରିଲ ୧୪ ତାରିଖରେ ପାଳନ ହେବ ମହାବିଷୁବ ପଣା ସଂକ୍ରାନ୍ତି । ପଣା ସଂକ୍ରାନ୍ତି ପାଳନ ନେଇ ମୋହର ମାରିଛି ମୁକ୍ତି ମଣ୍ଡପ ପଣ୍ଡିତ ସଭା । ଏ ନେଇ ଆଜି ସମୀକ୍ଷା ବୈଠକ ବସିଥିଲା ।
ସୁଚନା ଅନୁଯାୟୀ, ବଜାରରେ ମିଳୁଥିବା କିଛି ପାଞ୍ଜିରେ ଏପ୍ରିଲ ୧୩ ତାରିଖ ପଣା ସଂକ୍ରାନ୍ତି ଉଲ୍ଲେଖ ରହିଥିଲା । ହେଲେ ଶ୍ରୀମନ୍ଦିର ପ୍ରଶାସନ ଦ୍ୱାରା ସୀକୃତି ରାଧାରମଣ ପଞ୍ଜିକା ଏବଂ ଆଉ କିଛି ଗଣନାକାରୀ ଏପ୍ରିଲ ୧୪ରେ ପଣା ସଂକ୍ରାନ୍ତି ପାଳନ ନେଇ ତଥ୍ୟ ଦେଇଥିଲେ । ଏହାକୁ ନେଇ ଲୋକେ ବିଭ୍ରାନ୍ତି ହେଉଥିଲେ । ଦ୍ୱନ୍ଦ୍ୱ ଦୂର ପାଇଁ ପୂର୍ବରୁ ପୁରୀରେ ମୁକ୍ତିମଣ୍ଡପ ପଣ୍ଡିତଙ୍କ ଏକ ବୈଠକ ବସିଥିଲା । ସେହି ବୈଠକରେ ପାଞ୍ଜି ଦ୍ୱନ୍ଦ୍ୱ ଦୂର ହୋଇ ପାରି ନ ଥିଲା ।
ଶେଷରେ ସୋମବାର ପୁଣି ଥରେ ପଞ୍ଜିକା ବୈଠକ ବସିଥିଲା । ଆଉ ବୈଠକରେ ପଣା ସଂକ୍ରାନ୍ତି ପାଳନ ନେଇ ଦ୍ୱନ୍ଦ୍ୱ ଦୂର ହୋଇଛି । ଆଉ ୧୪ ତାରିଖରେ ଶ୍ରୀମନ୍ଦିରରେ ପଣା ସଂକ୍ରାନ୍ତି ପାଳିତ ହେବ । ତା ସହ ଚଳିତ ବର୍ଷ ଠାକୁରଙ୍କ ୧୩ ଦିନିଆ ଅଣସର ସହ ପଂଚୁକ ୫ ଦିନ ବଦଳରେ ୪ ଦିନ ମଧ୍ୟ ପଡୁଛି । ଏଥିସହ କାର୍ତିକ ପଂଚୁକରେ ଲକ୍ଷ୍ମୀ ନୃସିଂହ ବେଶ ହେବ ନାହିଁ ଦଇତାପତି ସେବକ କହିଛନ୍ତି ।