ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ21/03/2024 at 2:00 PM
ସମ୍ବଲପୁର: ଆଗକୁ ବୀର ସୁରେନ୍ଦ୍ର ସାଏ ୟୁନିଭର୍ସିଟି ଅଫ ଟେକ୍ନୋଲୋଜି(ଭିସୁଟ)ର ବସନ୍ତ ଉତ୍ସବ । ଏହାକୁ ନେଇ କୁଳପତିଙ୍କ କଡା ନୋଟିସ୍ । ବସନ୍ତ ଉତ୍ସବ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଥିବା ବେଳେ ଏହି କାର୍ଯ୍ୟକ୍ରମକୁ ଆଧୁନିକ ପୋଷାକ କିମ୍ବା ଛୋଟ ଡ୍ରେସ ପରିଧାନକୁ ବାରଣ କରାଯାଇଛି । ଗୁରୁବାର ନୋଟିସ୍ ଜରିଆରେ ଜଣାଇଛନ୍ତି ଭିସୁଟ କୁଳପତି ।
ଜାରି ନୋଟିସ୍ ଅନୁଯାୟୀ, ଆଗାମୀ ବସନ୍ତ ଉତ୍ସବରେ କୌଣସି ଛାତ୍ରଛାତ୍ରୀ ଆଧୁନିକ ଡ୍ରେସ କିମ୍ବା ଛୋଟ ଡ୍ରେସ ପିନ୍ଧିବା ଉପରେ କଟକଣା ଲଗାଯାଇଛି । ଯଦି କୌଣସି ଛାତ୍ରଛାତ୍ରୀ ନିୟମ ନ ମାନନ୍ତି ତେବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । ଏପରିକି ଉକ୍ତ ଛାତ୍ରଛାତ୍ରୀଙ୍କୁ କ୍ୟାମ୍ପସ ଭିତରକୁ ପ୍ରବେଶ ଅନୁମତି ମିଳିବ ନାହିଁ ଏବଂ ଗେଟ୍ ବାହାରେ ସେମାନଙ୍କୁ ରଖାଯିବ ।
ଗତବର୍ଷ ବସନ୍ତ ଉତ୍ସବରେ ଛାତ୍ରୀମାନଙ୍କ ଛୋଟ ଡ୍ରେସ ପିନ୍ଧାକୁ ନେଇ ଅଘଟଣ ଘଟିଥିଲା । ଏଥର ବସନ୍ତ ଉତ୍ସବରେ ଯେମିତି କୌଣସି ଅଘଟଣ ନ ଘଟେ ଏହାକୁ ଦୃଷ୍ଟିରେ ରଖି କର୍ତୃପକ୍ଷ ଏମିତି ନିଷ୍ପତି ନେଇଛନ୍ତି । କୁଳପତିଙ୍କ ଏମିତି ନୋଟିସ୍ ପରେ ଛାତ୍ରଛାତ୍ରୀ ମହଲରେ ଅସନ୍ତୋଷ ଦେଖା ଦେଇଛି । ସେମାନେ ଏହାକୁ ବିରୋଧ କରିଛନ୍ତି ।