ସୌମିତ୍ରି ମେହେର11/04/2024 at 11:19 AM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ଖେଳ ପଡ଼ିଆରେ ହେଉଥିବା ପ୍ରଥମ ବହଳପଦର ପ୍ରିମିଅର ଲିଗ୍ କ୍ରିକେଟ ର ଫାଇନାଲ ରେ କିଙ୍ଗ କୋବ୍ରା କୁ ହରାଇ ୟଙ୍ଗ ଫାଇଟର ବିଜୟୀ ହୋଇ ଚାମ୍ପିଅନ ହୋଇଛି । ଫାଇନାଲ ମ୍ୟାଚ୍ ରେ ୟଙ୍ଗ ଫାଇଟର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୪ ଟି ଉଇକେଟ ହରାଇ ୧୬୮ ରନ କରିଥିଲା । ଦଳର ଡେନି ଗୋପାଳ ମାଝୀ ୨୮ ବଲ ରୁ ୮୯ ରନ ଓ ରାକେଶ ପ୍ରଧାନ ୧୧ ବଲ ରୁ ୩୩ ରନ କରିଥିଲେ। ବିପକ୍ଷ କିଙ୍ଗ କୋବ୍ରା ର ବଶିଷ୍ଠ ସେଠୀ ୨ ଟି ଓ ସଞ୍ଜୀବ ନାଏକ ଓ ଟିଲୁ ପୋଢ଼ ଗୋଟିଏ ଲେଖାଏଁ ଉଇକେଟ ନେଇଥିଲେ । ଜବାବରେ କିଙ୍ଗ କୋବ୍ରା ଦଳ ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୧୧୭ ରନ କରି ପରାସ୍ତ ହୋଇଥିଲା । ଦଳ ର ରାଜୁ ଦେହୁରୀ ୨୦ ବଲରୁ ୪୮ ରନ ଓ ପ୍ରଭାସ କୁମାର ଘଣ୍ଟା ୧୫ ବଲ ରୁ ୩୧ ରନ କରିଥିଲେ । ବିପକ୍ଷ ୟଙ୍ଗ ଫାଇଟର ର ସୁଜିତ ସାହୁ ଓ ଶ୍ରୀତମ ବିଶି ୨ ଟି ଏବଂ ରାକେଶ ପ୍ରଧାନ ଓ ରିତିକ ସାହୁ ଗୋଟିଏ ଲେଖାଏଁ ଉଇକେଟ ନେଇଥିଲେ। ପୀତାମ୍ବର ସାହୁ ଙ୍କ ସଂଯୋଜନା ରେ ଅନୁଷ୍ଠିତ ପୁରସ୍କାର ଵିତରଣି ଉତ୍ସବ ରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଏବଂ ପୂର୍ବତନ ବ୍ଲକ ଅଧ୍ୟକ୍ଷ ରଞ୍ଜିତ ରଥ , ବୀରମହାରାଜପୁର ଜୋନ -୨ ଜିଲ୍ଲା ପରିଷଦ ପ୍ରତିନିଧି ପ୍ରଫୁଲ୍ଲ ଦନ୍ତା , ହିଲୁଙ୍ଗ ସମିତିସଭ୍ୟ ଶୈଳ ରଞ୍ଜନ ବାଦୀ , ସ୍ବେଚ୍ଛାସେବୀ କିଶୋର ହୋତା , ତ୍ରିନାଥ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ମିଶର ଦେହୁରୀ ଙ୍କୁ ଶ୍ରେଷ୍ଠ ଦର୍ଶକ , ଟାଇଗର ଏକାଦଶ ର ଆଶିଷ ମେହେର ଙ୍କୁ ଶ୍ରେଷ୍ଠ ଶତକ ଭାବେ ପୁରସ୍କୃତ କରାଯାଇଥିଲା । ଏହା ସହିତ ୟଙ୍ଗ ଫାଇଟର ର ରିତିକ ସାହୁ ଙ୍କୁ ଶ୍ରେଷ୍ଠ ବୋଲର , ଡେନିଗୋପାଲ ମାଝୀ ଙ୍କୁ ଶ୍ରେଷ୍ଠ ବ୍ୟାଟର ଓ ମ୍ୟାନ ଅଫ ଫାଇନାଲ ଭାବେ ପୁରସ୍କୃତ କରାଯାଇଥିଲା । ଏହା ସହିତ ଚାମ୍ପିଅନ ୟଙ୍ଗ ଫଇଟର କୁ ନଗଦ ୧୦ ହଜାର ଟଙ୍କା ସହିତ ଟ୍ରଫି ଓ ରନର୍ସ ଅଫ କିଙ୍ଗ କୋବ୍ରା କୁ ନଗଦ ୭ ହଜାର ଟଙ୍କା ସହିତ ଟ୍ରଫି ପୁରସ୍କୃତ କରାଯାଇଥିଲା । ଫାଇନାଲ ମ୍ୟାଚ୍ କୁ ପ୍ରଣବ ନନ୍ଦ ଓ ପ୍ରଣୟ ମହାକୁର ଅମ୍ପାୟାର ଭାବେ ଖେଳ ପରିଚାଳନା କରିଥିବା ବେଳେ ଦୀପକ ସାହୁ ସ୍କୋରିଙ୍ଗ ଏବଂ ମାନସ କୁମାର ନନ୍ଦ ଧାରାବିବରଣୀ ପ୍ରଦାନ କରିଥିଲେ।