ସୌମିତ୍ରି ମେହେର14/04/2024 at 10:50 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବଜରଙ୍ଗ ଦଳ ତରଫରୁ ବିରାଟ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି l ବଜରଙ୍ଗ ଦଳ ସଂଯୋଜକ ପ୍ରକାଶ ପଧାନ ଙ୍କ ନେତୃତ୍ୱ ରେ ପଥରଘାଟ ପଞ୍ଚମୁଖୀ ହନୁମାନ ମନ୍ଦିରରେ ପୂଜାର୍ଚ୍ଚନା କରିସାରିବା ପରେ, ଶୋଭାଯାତ୍ରା ଆରମ୍ଭ ହୋଇ ହିଲୁଙ୍ଗ ଛକ, ଉପଜିଲ୍ଲାପାଳ ଅଫିସ ଛକ, ଚମ୍ପେଶ୍ୱର ମନ୍ଦିର , ଦୁର୍ଗା ମନ୍ଦିର ତ୍ରିବେଣୀ ଛକ , ବାଗବର ଠାରୁ ବୀରମହାରାଜପୁର ମୁଖ୍ୟ ଛକ ପର୍ଯ୍ୟନ୍ତ ଯାଇଥିଲା I ବୀରମହାରାଜପୁର ମୁଖ୍ୟ ଛକ ରେ ଖଣ୍ଡା ଚାଳନା କରିଥିଲେ ବଜରଙ୍ଗି ଭାଇମାନେ l ସେଠାରୁ ହନୁମାନ ଛକ ଦେଇ ଲୁମୁରଜେନା ପର୍ଯ୍ୟନ୍ତ ଶୋଭାଯାତ୍ରା ଯାଇ ପ୍ରସାଦ ସେବନ କରିଥିଲେ l ଉକ୍ତ ଶୋଭାଯାତ୍ରା ରେ ପ୍ରକାଶ ପଧାନ , ଶୁଭମ ପ୍ରିତମ ହୋତା , ଅବନୀଶ ହୋତା , ସିତୁ ଥନାପତି , ମାନସ ପଧାନ, ଆକାଶ ଥନାପତି, ମନୋଜ କୁମାର ହୋତା , ଅଂଶୁମାନ ପଣ୍ଡା , ଅରମାନ ବାଘ , ଚିନୁ ପଣ୍ଡା , ରାଧେଶ୍ୟାମ ପରିଡା ଙ୍କ ସମେତ ଶତାଧିକ ବଜରଙ୍ଗ କାର୍ଯ୍ଯକର୍ତ୍ତା ଯୋଗ ଦେଇଥିଲେ l ଅପରାହ୍ନ ରେ ଉପଜିଲ୍ଲାପାଳ ଛକ ନିକଟରେ ପଣାପାଣି ବଣ୍ଟନ କରାଯାଇଥିଲା l