ଓଡ଼ିଶା ଡଟ୍ ନ୍ୟୁଜ୍

17/05/2024 at 4:18 PM

ବାରିପଦା: ଶିମିଳିପାଳ ଅଭୟାରଣ୍ୟରୁ କୌଣସି ପ୍ରକାରେ ଖସିଆସି ବାରିପଦା ସହରରେ ଆତଙ୍କ ଖେଳାଇଥିବା କଲରାପତରିଆ ବାଘକୁ ଟ୍ରାଙ୍କୁଲାଇଜ୍ କଲା ବନ ବିଭାଗ । ବୁଢ଼ୀଖମାରୀ ଅଞ୍ଚଳରୁ ବାଘଟିକୁ ଟ୍ରାଙ୍କୁଲାଇଜ କରାଯିବା ପରେ ଉଦ୍ଧାର କରାଯାଇଛି ।
ଖାଦ୍ୟ ଅନ୍ୱେଷଣରେ ଶିମିଳିପାଳ ଅଭୟାରଣ୍ୟରୁ ବାରିପଦା ସହର ଭିତରକୁ ପଶି ଆସିଥିଲା ବାଘ। ଆଜି ସକାଳେ ବାରିପଦା ସହର ଭଞ୍ଜପୁର ସ୍ଥିତ ବୁଢ଼ୀଖମାରିଆ ପ୍ରାଥମିକ ବିଦ୍ୟାଳୟ ନିକଟରେ ବାଘକୁ ଦେଖିବାକୁ ମିଳିଥିଲା । କୁକୁରମାନେ ଜୋରରେ ଭୁକିବାରୁ ବାଘଟି ଭୟରେ ପାଚେରୀ ଡେଇଁ ସ୍କୁଲ ପରିସରରେ ପଶିଯାଇଥିଲା ।
ସ୍ଥାନୀୟ ଲୋକେ ଏହା ଦେଖିବା ପରେ ବନ ବିଭାକୁ ଖବର ଦେଇଥିଲେ । ବନ କର୍ମଚାରୀ ପହଞ୍ଚି ବାଘକୁ ଖୋଜାଖୋଜି କରିଥିଲା । ଶେଷରେ ବୁଢ଼ୀଖମାରିଆରୁ ଟ୍ରାଙ୍କୁଲାଇଜ କରାଯାଇଥିଲା ।