ସୌମିତ୍ରି ମେହେର24/05/2024 at 11:09 AM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ଆମ୍ବେଦକର ସେବା ସଂଘ କାର୍ଯ୍ୟାଳୟ ପରିସରରେ ରେ ବୁଦ୍ଧ ପୂର୍ଣିମା ଓ ସନ୍ଥ କବି ଭୀମ ଭୋଇ ଙ୍କ ଜୟନ୍ତୀ ପାଳିତ ହୋଇଯାଇଛି I ସଂଘ ସଭାପତି ଅନାଦି ଜଗଦଲl ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ଯକ୍ରମରେ ଆମ୍ବେଦକର ସେବା ସଂଘର ବହୁ କର୍ମକର୍ତ୍ତା ଯୋଗ ଦେଇଥିଲେ I ଏଥିରେ ଆମ୍ବେଦକର ପ୍ରେମୀ ତଥା ଶିକ୍ଷାବିତ୍ ପ୍ରମୁଖ ଯୋଗଦେଇ ଭଗବାନ ଗୌତମ ବୁଦ୍ଧ ଓ ଭୀମଭୋଇ ଙ୍କ ଜୀବନୀ ତଥା ଆଦର୍ଶ ଉପରେ ଆଲୋକପାତ କରିଥିଲେ I ଶିକ୍ଷକ ରାଜ କୁମାର ବାଦୀ , ଗୋପବନ୍ଧୁ ମହାନନ୍ଦ , ଗୋବିନ୍ଦ ମେହେର , ଶିକ୍ଷୟିତ୍ରୀ ବିମଳା ଜାଲ , ସାମାଜିକ କର୍ମୀ ଭୀମ ଆର୍ମି ର ସଭାପତି ପ୍ରଦୀପ କୁମାର ଜାଲ ପ୍ରମୁଖ ଉପସ୍ଥିତ ରହି ବକ୍ତବ୍ୟ ପ୍ରଦାନ କରିଥିଲେ I ବରିଷ୍ଠ ସଭ୍ୟ ଗଦାଧର ବାଦୀ ସଭା ପରିଚାଳନା କରିଥିଲେ l ଉକ୍ତ ଅବସରରେ ଡ. ଭୀମ ରାଓ ଆମ୍ବେଦକରଙ୍କ ପ୍ରତି ମୂର୍ତ୍ତିରେ ପ୍ରଦୀପ ପ୍ରଜ୍ବଳନ ପୂର୍ବକ ପୁଷ୍ପ ମାଲ୍ୟାର୍ପଣ କରାଯାଇଥିଲା I ଶେଷରେ ସଂଘ ର ସାଧାରଣ ସମ୍ପାଦକ କର୍ମୁ କଲତା ଧନ୍ୟବାଦ ଅର୍ପଣ କରିଥିଲେ l