AIIMSରେ ଚାଲିଛି ଆଇପିଏସ ଅଫିସର ଆଶୀଷ ସିଂଙ୍କ ସ୍ବାସ୍ଥ୍ୟର ଯାଞ୍ଚ

ଭୁବନେଶ୍ବର: ନିର୍ବାଚନ କମିଶନଙ୍କ ନିର୍ଦ୍ଦେଶ କ୍ରମେ ଆଜି AIIMSରେ ଚାଲିଛି ଆଇପିଏସ ଅଫଇସର ଆଶୀଷ ସିଂଙ୍କ ସ୍ବାସ୍ଥ୍ୟର ଯାଞ୍ଚ । AIIMS ଭୁବନେଶ୍ୱର ପକ୍ଷରୁ ଗଠିତ ସ୍ବତନ୍ତ୍ର ମେଡିକାଲ ବୋର୍ଡ ତାଙ୍କ ସ୍ବାସ୍ଥ୍ୟ ପରୀକ୍ଷା କରୁଛନ୍ତି । ପୂର୍ବାହ୍ନ ସାଢ଼େ ୮ଟାରେ ଆଶୀଷ AIIMSରେ ପହଞ୍ଚିଥିଲେ । ସ୍ୱାସ୍ଥ୍ୟାବସ୍ଥା ଯାଞ୍ଚ ପାଇଁ ଏକ ପ୍ରାଇଭେଟ କ୍ୟାବିନ୍‌ ବୁକ୍‌ ହୋଇଥିବା ଜଣାପଡ଼ିଛି ।
AIIMS କାର୍ଯ୍ୟନିର୍ବାହୀ ନିର୍ଦ୍ଦେଶକ ଡାକ୍ତର ଆଶୁତୋଷ ବିଶ୍ୱାସଙ୍କ ଅଧ୍ୟକ୍ଷତାରେ ଆଶିଷ ସିଂହଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ ନିମନ୍ତେ ୬ ଜଣିଆ ବିଶେଷଜ୍ଞଙ୍କୁ ନେଇ ବୋର୍ଡ ଗଠିତ ହୋଇଛି । ବୋର୍ଡରେ ମେଡିସିନ, ସର୍ଜରୀ, ଅର୍ଥୋପେଡିକ ଓ ନ୍ୟୁରୋ ବିଭାଗ ଭଳି ବିଭିନ୍ନ ବିଭାଗର ବିଶେଷଜ୍ଞ ସାମିଲ ଅଛନ୍ତି । ଏହି ବୋର୍ଡ ଆଜି ଆଶିଷ ସିଂହଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରୁଥିବା ବେଳେ ଆସନ୍ତାକାଲି ସୁଦ୍ଧା ନିର୍ବାଚନ କମିଶନଙ୍କ ନିକଟରେ ନିଜ ରିପୋର୍ଟ ଦାଖଲ କରିବ ।