ସୌମିତ୍ରି ମେହେର31/05/2024 at 9:48 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ର କୋଟସମଲାଈ ଗ୍ରାମ ପଞ୍ଚାୟତ ଅନ୍ତର୍ଗତ ଖଜୁରିଆପାଲି ଗ୍ରାମର ସମାଜସେବୀ ତଥା ପ୍ରକୃତିପ୍ରେମୀ ସତ୍ୟଜିତ ଗଡୁଆ ଜଙ୍ଗଲ ମଧ୍ୟରେ ବନ୍ୟଜନ୍ତୁ ଓ ପକ୍ଷୀ ମାନଙ୍କ ପାଇଁ ମାଟି ହାଣ୍ଡି ମାଧ୍ୟମରେ ପିଇବା ପାଣି ର ବ୍ୟବସ୍ଥା କରୁଛନ୍ତି l ବର୍ତ୍ତମାନ ପରିସ୍ଥିତି ରେ ସମଗ୍ର ବୀରମହାରାଜପୁର ଉପଖଣ୍ଡ ଅଞ୍ଚଳରେ ୪୭° ଡିଗ୍ରୀ ତାପମାତ୍ରା ରେ ଅଗ୍ନି ବର୍ଷା ହେଉଥିବା ବେଳେ ଜଙ୍ଗଲ ମଧ୍ୟରେ ପାଣି ର ଘୋର ସଙ୍କଟ ଦେଖାଦେଉଛି l ଏଭଳି ପରିସ୍ଥିତିରେ ସତ୍ୟଜିତ ନିଜସ୍ୱ ଉଦ୍ୟମରେ ପ୍ରତ୍ୟେହ ଜଙ୍ଗଲ କୁ ପାଣି ନେଇ ବନ୍ୟପ୍ରାଣୀ ତଥା ପକ୍ଷୀମାନଙ୍କ ତୃଷ୍ଣା ନିବାରଣ ନିମନ୍ତେ ପାଣି ଦେଉଛନ୍ତି l ଏହାସହିତ ଖରା ଦିନରେ ଏପରି ଜୀବଜନ୍ତୁ ଙ୍କ ସେବା କରିବା ସହ ସବୁଜ ବନାନୀକୁ ନିଆଁ ଦାଉରୁ ରକ୍ଷା କରିବା ପାଇଁ ସମସ୍ତଙ୍କୁ ନିବେଦନ କରିଛନ୍ତି l ସତ୍ୟଜିତଙ୍କ ଏଭଳି କାର୍ଯ୍ୟଙ୍କୁ ସମସ୍ତ ପରିବେଶପ୍ରେମୀ ତଥା ଜନସାଧାରଣରେ ତାଙ୍କୁ ପ୍ରଶଂସା କରାଯାଉଅଛି l