ସୌମିତ୍ରି ମେହେର2/06/2024 at 5:59 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବଡମାଳ ୟୁପି ସ୍କୁଲର ପ୍ରଧାନ ଶିକ୍ଷକ ବସନ୍ତ କୁମାର ସାହୁ ଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି I ଏନେଇ ସ୍କୁଲ ପରିସରରେ ଅନୁଷ୍ଠିତ ସମ୍ବର୍ଦ୍ଧନା ଉତ୍ସବ ରେ ଲୁତୁରପଙ୍କ ସରକାରୀ ୟୁପି ସ୍କୁଲ ପ୍ରଧାନ ଶିକ୍ଷକ ସରୋଜ କୁମାର ରାଉତ ଅଧ୍ୟକ୍ଷତା କରିଥିଲେ I ବୀରମହାରାଜପୁର ଏବିଇଓ ବlର୍ଣ୍ଣl ଡୁଙ୍ଗଡୁଙ୍ଗ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ଅବସରପ୍ରାପ୍ତ ବରିଷ୍ଠ ପ୍ରଧାନ ଶିକ୍ଷକ ବସନ୍ତ କୁମାର ସାହୁ , ଲୁତୁରପଙ୍କ କ୍ଳଷ୍ଟର ସିଆରସିସି ବାଙ୍କlନିଧି ମହାକୁର ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ l ଅନ୍ୟ ମାନଙ୍କ ମଧ୍ୟରେ ବଡ ମାଳ ୟୁପି ସ୍କୁଲ୍ ପରିଚାଳନା କମିଟି ସଭାପତି ରାଜେଶ ମହାକୁର ଉପସ୍ଥିତ ଥିଲେ l କେନଝରିଆ ପାଲି କ୍ଳଷ୍ଟର ସିଆରସିସି ବିନୟ କୁମାର ବିଶ୍ବାଳ ସଭା ପରିଚାଳନା କରିଥିଲେ l ଏ ଅବସରରେ ଉପସ୍ଥିତ ସମସ୍ତ ଅତିଥି ତଥା ଶିକ୍ଷକ ଶିକ୍ଷୟିତ୍ରୀ ଅବସର ଗ୍ରହଣ କରିଥିବା ପ୍ରଧାନ ଶିକ୍ଷକ ବସନ୍ତ କୁମାର ସାହୁଙ୍କ କାର୍ଯ୍ୟଦକ୍ଷତା , ସମୟାନୁବର୍ତ୍ତିତା ଉପରେ ଆଲୋକପାତ କରିଥିବା ବେଳେ ତାଙ୍କୁ ସ୍ମୃତିଫଳକ ଓ ଉପହାର ପ୍ରଦାନ କରିଥିଲେ I ଶିକ୍ଷକ ମଦନମୋହନ ଭୋଇ ଶେଷରେ ଧନ୍ୟବାଦ ଅର୍ପଣ କରିଥିଲେ l