ସୌମିତ୍ରି ମେହେର5/06/2024 at 8:58 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ପୁଲିସ ଜଣେ ନିରୀହ ଯୁବକଙ୍କୁ ଥାନାରେ ଅଟକ ରଖି ପ୍ରବଳ ମାଡ ମାରିବା ଅଭିଯୋଗ ହୋଇଛି l ସମ୍ପୃକ୍ତ ଯୁବକକୁ ବୀରମହାରାଜପୁର ଉପଖଣ୍ଡ ଡାକ୍ତରଖାନା ରେ ଭର୍ତ୍ତି କରାଯାଇଛି l ସୂଚନା ଯୋଗ୍ୟ ଯେ ସୁବଳୟା ଥାନା ଅନ୍ତର୍ଗତ ଟେଭାପଦର ଗାଁ ର ଜଗନ୍ନାଥ କର୍ମି ନାମକ ଜଣେ ଯୁବକ କୁ ଟ୍ରାକଟର ଲଙ୍ଗଳ ଚୋରି କରିଥିବା ନେଇ ଗାଁ ର ମହେନ୍ଦ୍ର ମହାଳିକ ଥାନାରେ ଅଭିଯୋଗ କରିଥିଲେ I ଏଣୁ ଜଗନ୍ନାଥ ଙ୍କୁ ସୁବଳୟା ଥାନା ଏଏସ୍ଆଇ ସନ୍ତୋଷ ସିନ୍ଦରିଆ ଗତ ଦୁଇ ତାରିଖ ଠାରୁ ଥାନାରେ ଅଟକ ରଖି ପଚରା ଉଚରା କରିବା ସଙ୍ଗେ ସଙ୍ଗେ ନିସ୍ତୁକ ମାଡ ମାରିଥିଲେ I କୁଆଡେ ଜଗନ୍ନାଥ ବର୍ଷକ ତଳେ ନିଜ ଟ୍ରାକଟର ଲଙ୍ଗଳ ବିକ୍ରି କରିଥିଲେ l ହେଲେ ଉକ୍ତ ଲଙ୍ଗଳ କୁ ମହେନ୍ଦ୍ର କୁଆଡେ ତାଙ୍କ ନିଜର ବୋଲି ଦାବି କରିଥିଲେ l ଅଭିଯୋଗ ପରେ ସୁବଳୟା ପୋଲିସ ସମ୍ପୃକ୍ତ ଯୁବକକୁ 60 ଘଣ୍ଟା କାଳ ଅଟକ ରଖି ମାଡ ମାରିଥିଲେ I ଜଗନ୍ନାଥ ଙ୍କ ଭାଇ ପୁଲିସକୁ ଫୋନ କରି ଜଗନ୍ନାଥ ଙ୍କୁ ଛାଡି ଦେବା ପାଇଁ ଅନୁରୋଧ କରିବାରୁ ତାଙ୍କୁ ବିଭିନ୍ନ ମାମଲାରେ ଛନ୍ଦି ଜେଲ ପଠାଇବା କୁ ଧମକ ଦେଇଥିଲେ l ପରେ କୁଆଡେ ତାଙ୍କ ଭାଇ ସୁବର୍ଣ୍ଣପୁର ଏସ୍. ପି ଙ୍କୁ ଯୋଗାଯୋଗ କରିବାରୁ ପୁଲିସ ଜଗନ୍ନାଥ ଙ୍କୁ ଛାଡି ଥିଲା l