ସୌମିତ୍ରି ମେହେର7/06/2024 at 7:57 PM
ବୀରମହାରାଜପୁର : (ସୌମିତ୍ରି ମେହେର )
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ରେ ଲକ୍ଷ୍ମୀ ବସ ଯୋଜନାରେ ଚଳାଚଳ କରୁଥିବା ବସ୍ ରୁ ଗୁରୁବାର ଲକ୍ଷ୍ମୀ ଷ୍ଟିକର ଖୋଲି ଦିଆଯାଇଥିବା ଦେଖା ଦେଇଛି l ଏହି ବ୍ଲକରେ ଅତ୍ୟାଧୁନିକ ନୂତନ ବସ ଷ୍ଟାଣ୍ଡ ସହିତ ବ୍ଲକ ର ବିଭିନ୍ନ ପଞ୍ଚାୟତ କୁ ଯିବା ଆସିବା ପାଇଁ ତିନୋଟି ଲକ୍ଷ୍ମୀ ବସ୍ ଚଳାଚଳ କରୁଛି I ବିଜେଡି ସରକାର ତରଫରୁ ଲାଗିଥିବା ଲକ୍ଷ୍ମୀ ଷ୍ଟିକର କୁ ଏବେ ଖୋଲି ବାହାର କରି ଦିଆଯାଇ ଥିବା ଜଣାପଡ଼ିଛି I ତେବେ ବସ ରୁ କହିକି ଷ୍ଟିକର କାଢି ଦିଆଗଲା ଏବଂ କାହା ନିର୍ଦ୍ଦେଶରେ ଏହି କାମ ହେଲା ସାଧାରଣରେ ଚର୍ଚ୍ଚା ଆରମ୍ଭ ହୋଇଛି I ତେବେ ଏବେ ସରକାର ବଦଳି ଯାଇ ଥିବାରୁ ଲୋକେ ଉକ୍ତ ବସ ଚାଲିବ ନା ନାହିଁ ଆଶା ଆଶଙ୍କାରେ ରହିଛନ୍ତି I ଲକ୍ଷ୍ମୀ ବସ୍ ରୁ ଷ୍ଟିକର ହଟିବା ନେଇ ଓ ଏସ୍ ଆର ଟି ସି ବସ୍ ଷ୍ଟାଣ୍ଡ ଇନଚାର୍ଜ ଲିଲି ମହାନନ୍ଦ ଙ୍କ କହିବା ଅନୁସାରେ ତାଙ୍କ ଅଜାଣତରେ କିଏ ଖୋଲି ଦେଇଛି I ଲକ୍ଷ୍ମୀ ବସ୍ ମଣ୍ଟେନlନସ୍ ଇନଚାର୍ଜ ମନ ରଞ୍ଜନ ବେହେରା କୁହନ୍ତି ତାଙ୍କ ଅଜାଣତରେ ରାତିରେ କିଏ ଖୋଲି ଦେଇଛି ଏବଂ ଏକଥା ଉପରିସ୍ଥ ଅଧିକାରୀଙ୍କୁ ଜଣାଇ ଦେଇଛୁ I