ସୌମିତ୍ରି ମେହେର16/06/2024 at 1:49 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଧାନସଭା ନିର୍ବାଚନମଣ୍ଡଳୀ ର ନବ ନିର୍ବାଚିତ ବିଧାୟକ ଇଂ ରଘୁନାଥ ଜଗଦଲl ଶନିବାର ବୀରମହାରାଜପୁର ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମରେ ପହଁଚି ଲୋକଙ୍କୁ ତାଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ l ପ୍ରଥମେ ଠେଙ୍ଗୋ ଡ୍ୟାମ୍ ସ୍ଥିତ ପୂର୍ତ୍ତବିଭାଗ ଡାକ ବଙ୍ଗଳା ନିକଟରେ ଦୁର୍ଜନତୈଲା ପଞ୍ଚାୟତ ର ଭାଜପା ଦଳ ର କାର୍ଯ୍ୟକର୍ତ୍ତା ଙ୍କ ସହିତ ସାକ୍ଷାତ ଆଲୋଚନା କରିଥିଲେ I ପରେ ଦୁର୍ଜନତୈଲା ମଣ୍ଡି ପରିଦର୍ଶନ କରି ଚାଷିଙ୍କ ସହିତ ଆଲୋଚନା କରିବା ସଙ୍ଗେ କେଶଲଗା ସ୍ଥିତ ଧବଳେଶ୍ଵର ଶୈବ ପୀଠକୁ ଯାଇ ମନ୍ଦିର ପରିଦର୍ଶନ କରି ଭକ୍ତ ତଥା ଶ୍ରଦ୍ଧାଳୁଙ୍କ ସହିତ ମନ୍ଦିର ର ଉନ୍ନତି ପାଇଁ ଆଲୋଚନା କରିଥିଲେ I ପରେ ବହଲପଦର ପଞ୍ଚାୟତ କାର୍ଯ୍ୟାଳୟ ରେ , ଖଣ୍ଡହତା ପଞ୍ଚାୟତ ଏବଂ ସୁବଳୟା ପଞ୍ଚାୟତ କାର୍ଯ୍ୟାଳୟରେ ଆୟୋଜିତ କର୍ମି ସମ୍ମିଳନୀ ମାନଙ୍କରେ ଯୋଗ ଦେଇଥିଲେ l ଉକ୍ତ ପଞ୍ଚାୟତର ସରପଞ୍ଚ ମାନେ ନିଜ ନିଜ ପଞ୍ଚାୟତ ସମସ୍ୟା ସମ୍ପର୍କରେ ବିଧାୟକଙ୍କୁ ଜଣାଇଥିଲେ l ଉକ୍ତ କାର୍ଯ୍ୟକ୍ରମ ମାନଙ୍କରେ ବିଧାୟକ ଙ୍କ ସହ ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ସନ୍ତୋଷ କୁମାର ଭୋଇ , ବିବେକାନନ୍ଦ ପଧାନ , ବିଜେପି ଜିଲ୍ଳା ସାଧାରଣ ସମ୍ପାଦକ ବେଣୁଧର ଦାଶ , ଅଶୋକ କୁମାର ସାହୁ , ରାଧାକାନ୍ତ ପଣ୍ଡା , ସରତ ମିଶ୍ର ପ୍ରମୁଖ ଙ୍କ ସହ ବହୁ ଦଳୀୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ l