ସୌମିତ୍ରି ମେହେର19/06/2024 at 12:01 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଜlଲୋଏ ଡାକ୍ତରଖାନା ଓ ଧାନ ମଣ୍ଡି ପରିଦର୍ଶନ କରିଥିଲେ ସ୍ଥାନୀୟ ବିଧାୟକ ଇଂ ରଘୁନାଥ ଜଗଦଲl I ସେ ମଙ୍ଗଳବାର ଦଳୀୟ କର୍ମୀ ଙ୍କ ସହ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ I ତାପରେ ଜାଲୋଏ ଡାକ୍ତରଖାନା ପରିଦର୍ଶନରେ ଯାଇ ରୋଗୀଙ୍କ ସୁବିଧା ଅସୁବିଧା ସମ୍ପର୍କରେ ପଚାରି ବୁଝିବା ସହିତ ଡାକ୍ତର ମନୋରଞ୍ଜନ ପଣ୍ଡା ଙ୍କୁ ଡାକ୍ତରଖାନା ର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ I ଧାନ ମଣ୍ଡି ପରିଦର୍ଶନ ସମୟରେ ଚାଷିଙ୍କ ଧାନ ଯେପରି ତୁରନ୍ତ ବିକ୍ରି ହୋଇପାରିବ ଜିଲ୍ଲା ଯୋଗାଣ ଅଧିକାରୀ ଙ୍କୁ ଫୋନ କରି କହିଥିଲେ I ଏହା ପରେ ଜାଲୋଏ ସ୍ଥିତ ଆମ୍ବେଦକର ଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ I ବିଧାୟକ ଶ୍ରୀ ଜଗଦଲl ଙ୍କ ପରିଦର୍ଶନ ସମୟରେ ଘାସି ବସ୍ତିଆ , ଭୋଳାନାଥ ସାଗର , ଦିଲ୍ଲୀପ ଗୁରୁ , ଗୁଲଠୁ ଭୋଇନା , କୃଷ୍ଣ ଚନ୍ଦ୍ର ସାଗର ପମୁଖ ଙ୍କ ସହ ବହୁ ବିଜେପି କର୍ମୀ ସାମିଲ ଥିଲେ I