ସୌମିତ୍ରି ମେହେର2/07/2024 at 2:44 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଲେହେଡି ଗ୍ରାମରେ ବିଭିନ୍ନ ସମୟରେ ଆତଙ୍କ ରାଜ ଚଳାଇଥିବା କୃର୍ତ୍ତିବାସ ବେହେରା ଓରଫ୍ ହାଡୁ କୁ ଛତିଶଗଡ଼ର ଅମ୍ବିକାପୁରରୁ ଗିରଫ କରିଛି ବୀରମହାରାଜପୁର ପୋଲିସ I ଲେହେଡି ଗ୍ରାମରେ ୨୦/୬/୨୪ ରେ ଅଭିଯୁକ୍ତ କୃର୍ତ୍ତିବାସ ସେହି ଗ୍ରାମର ମମତା ବେହେରାଙ୍କ ଘର ଆଜବେଷ୍ଟସ ଭାଙ୍ଗି ଭିତରକୁ ପଶିଥିଲା । ସେଠାରେ ସେ ତାକୁ ନାନା ଧମକ ଚମକ୍ ଦେବା ସହିତ ଆକ୍ରମଣ କରି ଫେରାର ହୋଇଯାଇଥିଲା I ଏନେଇ ବୀରମହାରାଜପୁର ଥାନାରେ ମମତା ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିର୍ତ୍ତିକରି କେସ ନମ୍ବର ୧୯୮/୨୪ ରେ ଏକ ମାମଲା ରୁଜ୍ଜୁ କରି ହିକୁଡି ଫାଣ୍ଡି ଅଧିକାରୀ ତଦନ୍ତ କରିଥିଲେ l ପରେ ଅଭିଯୁକ୍ତ କୃର୍ତ୍ତିବାସକୁ ଜାମିନରେ ଛାଡିଥିଲା ପୋଲିସ୍ । ଉକ୍ତ ଘଟଣାକୁ ନେଇ ଲେହେଡି ଗ୍ରାମର ଶତାଧିକ ମହିଳା ଓ ପୁରୁଷ ବୀରମହାରାଜପୁର ଥାନାରେ ଧାରଣା ଦେବାକୁ ଆସିଥିଲେ । । ଏ ଘଟଣା ଜାଣିବାପରେ ଅଭିଯୁକ୍ତ ଫେରାର ମାରିଥିଲା । ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ୟସ୍ ପ୍ରତାପ୍ ଶ୍ରୀମଲଙ୍କ ନିର୍ଦ୍ଦେଶ କ୍ରମେ ଓ ଉପଖଣ୍ଡ ପୋଲିସ ଅଧିକାରୀ ବାସୁଦେବ ଛତ୍ରିଆ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବୀରମହାରାଜପୁର ଥାନା ଅଧିକାରୀ ସୋଭାକର ସେଟ୍ ଓ ହିକୁଡି ଫାଣ୍ଡି ଅଧିକାରୀ ଚକ୍ରଧର ବାରଲବିଡିଆ ଙ୍କର ସହିତ ଅନ୍ୟାନ୍ୟ ପୋଲିସ୍ କର୍ମଚାରୀ ଛତିଶଗଡ଼ର ଅମ୍ବିକାପୁରରୁ ସୋମବାର ଭୋର୍ ସକାଳୁ ଧରିବାରେ ସଫଳ ହୋଇଥିଲେ । ଅଭିଯୁକ୍ତକୁ ବୀରମହାରାଜପୁର ପୋଲିସ ଗିରଫ କରି କୋର୍ଟ ଚାଲାଣ କରିଥିଲା । କୋର୍ଟ ଜାମିନ ଆବେଦନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତ ପଠାଯାଇଛି ।