ରବୀନ୍ଦ୍ର ପ୍ରସାଦ ଦାନୀ27/08/2024 at 8:27 PM
ଜମନକିରା : ଜମନକିରା ବ୍ଲକ ବଡରମା ପଞ୍ଚାୟତ ଷଣ୍ଢପଥର ସରକାରୀ ଏସଏସଡି ଉଚ୍ଚ ବିଦ୍ୟାଳୟରେ ଆଜି ବ୍ଲକ ସ୍ତରୀୟ ରାଷ୍ଟ୍ରୀୟ ଆବିଷ୍କାର କୁଇଜ୍ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସୁଶ୍ରୀ ଦେବକୀ ନାଏକ ଅଧ୍ୟକ୍ଷତା କରିଥିବା ବେଳେ ମୁଖ୍ୟଅତିଥି ଭାବେ ଜମନକିରା ଜୋନ ୧ ସଭ୍ୟା ସୁଜାତା ଖୁଣ୍ଟିଆ ଯୋଗ ଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ। ସମ୍ମାନୀୟ ଅତିଥି ଭାବେ ସ୍କୁଲର ପ୍ରଧାନ ଶିକ୍ଷକ ରାଜେନ୍ଦ୍ର କୁମାର ଜଗତ ପ୍ରମୁଖ ମଞ୍ଚାଷିନ ରହି କୃତି ପ୍ରତିଯୋଗୀ କୁ ମାନପତ୍ର ସହ ସମ୍ମାନୀତ କରିଥିଲେ। ପ୍ରାଥମିକ ସ୍ତରରେ ସହାଜବାହଲ ସ୍କୁଲର ଟିନକୁଶ ପଧାନ ପ୍ରଥମ, ଭୋଇପାଲି ପ୍ରାଥମିକ ସ୍କୁଲର ତେଜସ୍ଵୀନି ପଟେଲ ଦ୍ଵିତୀୟ, ବଡରମା ସ୍କୁଲ ଆଶ୍ରମ ସ୍କୁଲର ପ୍ରଜ୍ଞା ପ୍ରିୟଦର୍ଶିନୀ ଦେହୁରୀ ତୃତୀୟ ସ୍ଥାନ ହାସଲ କରିଥିବା ବେଳେ ପ୍ରାଥମିକ ଉଚ୍ଚ ବିଦ୍ୟାଳୟ ସ୍ତରରେ ଚିନିମହୁଲ ଆଦର୍ଶ ବିଦ୍ୟାଳୟର ଶାଶ୍ଵତ ସାହୁ ପ୍ରଥମ, ଜମନକିରା ମଧ୍ୟ ଇଂରାଜୀ ବିଦ୍ୟାଳୟର ପ୍ରଜ୍ଞା ମହାପାତ୍ର ଦ୍ଵିତୀୟ ଏବଂ ଭୋଜପୁର ସରକାରୀ ଉଚ୍ଚ ବିଦ୍ୟାଳୟ ର ଟସମିନ ବେହେରା ଯଥାକ୍ରମେ ତୃତୀୟ ସ୍ଥାନ ହାସଲ କରିଥିଲେ। ଏଥିରେ ସମସ୍ତ ପ୍ରାଥମିକ, ଉଚ୍ଚ ପ୍ରାଥମିକ ତଥା ଉନ୍ନୀତ ଉଚ୍ଚ ମାଧ୍ୟମିକ ବିଦ୍ୟାଳୟର ୧୫୪ ପ୍ରଧାନ ଶିକ୍ଷକ ଶିକ୍ଷୟତ୍ରୀଙ୍କୁ ନେଇ ଏକ ସଭା ଆୟୋଜନ ହୋଇଥିଲା। ସିଆରସିସି ମାନେ ସଭାରେ କ୍ଲଷ୍ଟର ସ୍ତରୀୟ ମାସିକ ସଭା, ମୌଳିକ ସାକ୍ଷରତା ଓ ସଂଖ୍ୟଜ୍ଞାନ, ଜାତୀୟ ଉପଲବ୍ଧି ସର୍ଭେକ୍ଷଣ ୨୦୨୪, ୟୁନିଫର୍ମ ବଣ୍ଟନ, ୟୁଡ଼ାଈସ୍, ବିଦ୍ୟାଳୟର ଶୈଖିକ ତଥା ସହ -ସୈଖିକ ପରିବେଶର ଉନ୍ନତି କରଣ ଉପରେ ଆଲୋକପାତ କରିଥିଲେ। ସଭାରେ ସିଆରସିସି ପ୍ରତାପ ମହାପାତ୍ର ଏବଂ ଶ୍ରୀକାନ୍ତ ପଟେଲ ମଞ୍ଚ ପରିଚାଳନା କରିଥିଲେ। ଶେଷରେ ଏବିଇଓ ସୁଶ୍ରୀ ନାୟକ ବିଦ୍ୟାଳୟର ପ୍ରଧାନଶିକ୍ଷକ, ଶିକ୍ଷୟତ୍ରୀ ଙ୍କୁ ଜାତୀୟ ଶିକ୍ଷାନୀତି -୨୦୨୪ ଉପରେ ଆଲୋକପାତ କରିଥିଲେ ଓ ଶିକ୍ଷା ରୁପକ ନାଆର ସୁଦକ୍ଷ ନାଉରି ହୋଇ କୁନି କୁନି ଛାତ୍ର ଛାତ୍ରୀଙ୍କୁ ଉତ୍ତମ ଶିକ୍ଷାଦାନ କରିବା ପାଇଁ ଉଷ୍ୟାହିତ କରିଥିଲେ। ଶେଷରେ ପ୍ରଶାନ୍ତ ପଣ୍ଡା ସମସ୍ତଙ୍କୁ ଧନ୍ୟବାଦ ଦେଈ ସଭାକାର୍ଯ୍ୟ ସମାପନ କରିଥିଲେ।