ପ୍ରଜ୍ଞା ପଟ୍ଟନାୟକ

27/04/2023 at 10:43 AM

ଆଜି: ଆଜି ସକାଳେ ବ୍ରାହ୍ମଣୀରେ ବୁଡ଼ିଯାଇଥିଲା ଯାତ୍ରୀବାହୀ ଡ଼ଙ୍ଗା। ଡଙ୍ଗାରେ ଥିଲେ ୨୦ରୁ ଅଧିକ ଯାତ୍ରୀ। ଡଙ୍ଗା ବୁଡିବା ପରେ ଅନ୍ୟ ଯାତ୍ରୀମାନେ ଅଳ୍ପକେ ବର୍ତ୍ତିଯାଇଥିଲେ ବି ୨ ଜଣ ନିଖୋଜ ହୋଇଯାଇଥିଲେ। ନିଖୋଜଙ୍କ ମଧ୍ୟରୁ ଜଣେ ନାବାଳକର ମୃତଦେହ ଉଦ୍ଧାର ହୋଇଛି। ନାଉରୀର ଏବେବି ପତ୍ତା ମିଳିନି ।

କେନ୍ଦ୍ରାପଡା ଆଳି ଏକମାଣିଆରୁ କେରଡ଼ାଗଡ଼ ଯାଉଥିବା ବେଳେ କୂଳରୁ କିଛିବାଟ ଗଲାପରେ ଭାରସାମ୍ୟ ହରାଇ ଡ଼ଙ୍ଗା ଓଲଟି ପଡ଼ିଥିଲା। ଫଳରେ ଯାତ୍ରୀଙ୍କୁ ଉଦ୍ଧାର କଲା ବେଳେ ନିଖୋଜ ହୋଇଛନ୍ତି ନାଉରୀ। ୨ଜଣଙ୍କୁ ଉଦ୍ଧାର କରିଥିଲେ । ପରେ ନାବାଳକଙ୍କୁ ଉଦ୍ଧାର କରିବା ବେଳେ ଉଭୟ ନାଉରୀ ଓ ନାବାଳକ ନିଖୋଜ ଥିଲେ। ଏବେ ନାବାଳକର ମୃତଦେହ ଉଦ୍ଧାର ହୋଇଛି।