ସୌମିତ୍ରି ମେହେର5/10/2024 at 10:53 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ଠାରେ ମୁରାଶୁର ଦରବାର ପାଇଁ ଶୁକ୍ରବାର ଦିନ କଳାକାର ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ୪୨ତମ ଶ୍ରୀ ଶ୍ରୀ ଗଜଲକ୍ଷ୍ମୀ ପୂଜା ମହୋତ୍ସବ ଅବସରରେ ଉକ୍ତ କାର୍ଯ୍ୟକ୍ରମ ଆୟୋଜନ ହେବାର ସ୍ଥିରୀକୃତ ହୋଇଛି I ଏହା କମିଟି ପକ୍ଷରୁ ସୂଚନା ଦିଆଯାଇଛି । ସଭାପତି ଲବ କୁମାର ସାହୁ ଙ୍କ ନେତୃତ୍ୱ ରେ ଯାଇ ତାଙ୍କ ବାସ ଭବନ ରେ ମୁରାସୁର ମହାରାଜ ଭୂମିକା ଅଭିନୟ କରୁଥିବା ଶ୍ରୀଯୁକ୍ତ ଗୋପାଳ ଚନ୍ଦ୍ର ପଣ୍ଡା ଙ୍କୁ ରୀତିନୀତି ଅନୁସାରେ ଗୁଆ ନଡ଼ିଆ ଓ ଉପଢ଼ୌକନ ଦେଇ ବରଣ କାର୍ଯ୍ୟ କରାଯାଇଥିଲା । ସୂଚନା ଯେ ଆସନ୍ତା ୧୬/୧୦/୨୦୨୪ ରୁ ୨୬/୧୦/୨୦୨୪ ପର୍ଯ୍ୟନ୍ତ ଗଜଲକ୍ଷ୍ମୀ ପୂଜା ଅବସରରେ ମୁରାସୁର ଦରବାର ଆୟୋଜନ ହେବ । ଏଥି ସହିତ ମିନାବଜାର , ବିଭିନ୍ନ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ କମିଟି ପକ୍ଷରୁ ସ୍ଥିର କରାଯାଇଛି । ବରଣ ସମୟରେ ବୀରମହାରାଜପୁର ଜୋନ ୧ ଜିଲ୍ଲା ପରିଷଦ ସଭ୍ୟ ତଥା ପୁଜା କମିଟି ସଭାପତି ଲବ କୁମାର ସାହୁ , କୋଷାଧକ୍ଷ ରାଜଗୋପାଳ ପାଣିଗ୍ରାହୀ , ସମ୍ପାଦକ ତ୍ରୟଞ୍ଜିବ ମିଶ୍ର ସହ ସମ୍ପାଦକ ବିଦ୍ୟାଧର ଖୁର୍ଡିଆ କମିଟି ସଭ୍ୟ ବଳରାମ ପଧାନ , ଶ୍ୟାମ ନନ୍ଦ , ମନୋଜ ନାଏକ , ସନ୍ତୋଷ ସାମର୍ଥ ପ୍ରମୁଖ ସାମିଲ ହୋଇଥିଲେ।