ସନତ କୁମାର ପ୍ରାଧନୀ

21/10/2024 at 7:40 PM

କଳାହାଣ୍ଡି:୨୧/୧୦
ରିପୋର୍ଟ—ସନତ କୁମାର ପ୍ରଧାନୀ
କଳାହାଣ୍ଡି ଜିଲ୍ଲାର ବିଭିନ୍ନ ୨୬ ଦଫା ମୌଳିକ ଦାବି ନେଇଁ ଗାନ୍ଧୀ ଜୟନ୍ତୀରୁ ଜନସଂଗ୍ରାମ ସମିତିର କର୍ମକର୍ତ୍ତାମାନେ ଗୋଲାମୁଣ୍ଡାରୁ-ଭୁବନେଶ୍ବର ଅଭିମୁଖେ ପଦଯାତ୍ରା ଆରମ୍ଭ କରିଥିଲେ। ସମିତିର ସଭାପତି ସାଉଲ ମଙ୍ଗରାଜଙ୍କ ନେତୃତ୍ବରେ ଦୀର୍ଘ ୧୬ ଦିନ ୫୧୦ କିମି ପଦଯାତ୍ରା କରିବା ପରେ ଶୁକ୍ରବାର ସେମାନେ ଭୁବନେଶ୍ବରରେ ପହଞ୍ଚିଥିଲେ।ସେଠାରେ ରାଜ୍ୟପାଳ ରଘୁବର ଦାସଙ୍କୁ ସାକ୍ଷାତ କରି ୨୬ ଦଫା ଦାବିପତ୍ର ପ୍ରଦାନ କରିଥିଲେ। ଦାବି ଗୁଡିକର ସମାଧାନ କରିବା ପାଇଁ ରାଜ୍ୟ ସରକାର ଓ ଜିଲ୍ଲା ପ୍ରଶାସନ ସହିତ ଆଲୋଚନା କରିବେ ବୋଲି ରାଜ୍ୟପାଳ ରଘୁବର ଦାସ ଓ ମୁଖ୍ୟମନ୍ତ୍ରୀ ମୋହନ ମାଝୀ ସେମାନଙ୍କୁ ଆଶ୍ୱାସନା ଦେଇଛନ୍ତି।କଳାହାଣ୍ଡି ଜିଲ୍ଲାର ୨୦୨୩ ମସିହାର ଖରିଫ ଧାନ ଚାଷର ଫସଲ ବୀମା ଟଙ୍କା ଗୋଲାମୁଣ୍ଡା ବ୍ଲକର ଗୋଲାମୁଣ୍ଡା, ମାନଝରୀ, ସିନାପାଲି, ଚିଚିଆ, ଉଛଲା, ଧର୍ମଗଡ଼ ବ୍ଳକର ଧଅଁରପୁର,ନର୍ଲା ବ୍ଳକର ସରିଆ, ଥୁଆମୂଳ ରାମପୁରର ବ୍ଲକ୍‌ର କିଆପଦର ଓ କୋକସରା ବ୍ଳକର ବଡ଼ପୋଡ଼ାଗୁଡ଼ା ପ୍ରଭୃତି ପଞ୍ଚାୟତ ଗୁଡ଼ିକର
ଚାଷୀଙ୍କୁ ତୁରନ୍ତ ପ୍ରଦାନ କରିବା, କଣ୍ଟାବାଞ୍ଜି,ରାଜାଖରିଆର,ଗୋଲାମୁଣ୍ଡା,ଜୁନାଗଡ଼, ନବରଙ୍ଗପୁର,ଜୟପୁର, ନୂତନ ରେଳଲାଇନ ସମ୍ପ୍ରସାରଣ, ଧର୍ମଗଡ଼ ଉପଖଣ୍ଡକୁଜିଲ୍ଲାର ମାନ୍ୟତା ପ୍ରଦାନ, ମଦନପୁରରାମପୁର, କର୍ଲାମୁଣ୍ଡା, ନର୍ଲା ବ୍ଲକ୍‌କୁନେଇ ନୂତନ ସବ ଡିଭିଜନ ଘୋଷଣା,ଗୋଲାମୁଣ୍ଡାରେ ଜେଏମ୍ଏଫ୍ଏସି କୋର୍ଟସ୍ଥାପନ,କେସିଙ୍ଗା ସ୍ଥିତ କୋଣାର୍କ ସୂତାକଳକୁ ତୁରନ୍ତ ପୁନଃ କାର୍ଯ୍ୟକାରୀ କରିବା, ପ୍ରତିଶ୍ରୁତିମୁତାବକ ଜନସାଧାରଣଙ୍କୁ ୩୦୦ ୟୁନିଟ୍ବିଜୁଳି ମାଗଣା ପ୍ରଦାନ ଆଦି ୨୬ଟି ଦାବି ରହିଛି। ଦାବିପତ୍ର ପ୍ରଦାନ ସମୟରେ
ଅନ୍ୟମାନଙ୍କ ମଧ୍ୟରେ ଜନସଂଗ୍ରାମ ସମିତିରଅନୀଲ ମଲ୍ଲିକ, ଶିବଶଙ୍କର ମାଝୀ, ଚିତ୍ରମାଝୀ, ସଦାନନ୍ଦ ମାଝୀ, ଯୁଧିଷ୍ଠିର ମାଝି,ରାଜାରାମ କଟା, କାଲା ମାଝୀ, କେଶବ ମାଝୀ ପ୍ରମୁଖ ଉପସ୍ଥିତ ଥିଲେ ।