ସମ୍ବଲପୁର ନାଟ୍ୟକଳା ପରିଷଦର ପ୍ରତିଷ୍ଠା ଉତ୍ସବ,୧୭ରେ ମଞ୍ଚସ୍ଥ ହେବ ୨ଟି ନାଟକ
ସମ୍ବଲପୁର:ସମ୍ବଲପୁର ସହରରେ ୧୯୭୦ ମସିହା ରେ ଗଢିଉଠିଥିବା ସମ୍ବଲପୁର ନାଟ୍ୟକଳା ପରିଷଦ ଆଜି ପାଳନ କରିଛି ତାର ପ୍ରତିଷ୍ଠା ଦିବସ l ଅନୁଷ୍ଠାନ ର ସଭାପତି ଡ଼. ଶିବ ନାରାୟଣ ଶତପଥି ଙ୍କର ସଭାପତିତ୍ୱ ରେ ଆୟୋଜିତ ସଭାରେ ମୁଖ୍ୟଅତିଥି ଭାବରେ ଆଦିତ୍ୟ ବିର୍ଲା ଗ୍ରୁପ ହିଣ୍ଡାଲକୋ ର ପୂର୍ବତନ ବରିଷ୍ଠ ଅଧିକାରୀ ଇ. ସୁଶାନ୍ତ ଗୁରୁ ଯୋଗ ଦେଇଥିବା ବେଳେ ସମ୍ପାଦକ ଡ଼. ସିଦ୍ଧାର୍ଥ ପଣ୍ଡା ବାର୍ଷିକ ବିବରଣୀ ପାଠ, ଅତିଥି ପରିଚୟ ଓ ସ୍ୱାଗତ ବକ୍ତବ୍ୟ ରଖିଥିଲେ l ମୁଖ୍ୟ ଅତିଥି ଇ. ଗୁରୁ କହିଲେ ଯେ ୫୫ ବର୍ଷ ଧରି ଅନୁଷ୍ଠାନ ବଞ୍ଚି ରହି ନାଟକ ମଞ୍ଚସ୍ଥ କରିବ୍ବା ଏକ ଖୁସିର ଖବର l ହେଲେ ନାଟ୍ୟ ଆନ୍ଦୋଳନ କୁ ବଂଚେଇବାକୁ ହେଲେ, ନୂତନ ପିଢ଼ି ଯୋଡି ହେବାର ଆବଶ୍ୟକତl ରହିଛି l ଯେଉଁ ଅନୁଷ୍ଠାନ ସହ ଯୋଡି ହୋଇଥିଲେ ଦେବୁ ବୋଷ, ଅପରାଜିତା ଷଡ଼ଙ୍ଗୀ, ରାଜେନ୍ଦ୍ର ପ୍ରସାଦ ପଣ୍ଡା,ଡ଼.ପଞ୍ଚାନନ ମିଶ୍ର, କୃଷ୍ଣ ଚନ୍ଦ୍ର ଆଚାର୍ଯ୍ୟ, ଡ଼. ପ୍ରସନ୍ନ ସାହୁ, ଡ଼.ଶିବ ନାରାୟଣ ଶତପଥି,ବୁଲୁ ନନ୍ଦ, କୃଷ୍ଣ ଚନ୍ଦ୍ର ମହାପାତ୍ର ପରି ନାମକରା କଳାକାର ମାନେ l ସେମିତି ଏକ ଅନୁଷ୍ଠାନ ବଂଚିବାର ଆବଶ୍ୟକତା ରହିଛି ବୋଲି ସେ କହିଥିଲେ।
ଏକ ସୁନ୍ଦର ଓ ଶୃଙ୍ଖଳିତ ସମାଜ ଗଠନ ପାଇଁ ମୌଳିକତା ଥିବା ନାଟକ ମଞ୍ଚସ୍ଥ ହେବା ଜରୁରୀ l
ଅନ୍ୟ ମାନଙ୍କ ମଧ୍ୟରେ ମନୋରଞ୍ଜନ ପାଢ଼ୀ, କୃଷ୍ଣ ଚନ୍ଦ୍ର ମହାପାତ୍ର, ଶିରୀଶ ଚନ୍ଦ୍ର ପୂଜାରୀ,ସୂର୍ଯ୍ୟ ପାଣିଗ୍ରାହୀ, ଅପର୍ଣ୍ଣା ପାଢ଼ୀ, ବିପିନ ବିହାରୀ ଦାସ ପ୍ରମୁଖ ନାଟ୍ୟକଳା ଓ ସମ୍ବଲପୁର ନାଟ୍ୟକଳା ପରିଷଦ ପ୍ରସଙ୍ଗ ରେ ଆଲୋଚନା କରିଥିଲେ l କାର୍ଯ୍ୟକ୍ରମ ଶେଷରେ ଅନୁଷ୍ଠାନ ର ସହ ସମ୍ପାଦକ ବିରୁପାକ୍ଷ ପ୍ରଧାନ ନଭେମ୍ବର ୧୭ ତାରିଖ ଦିନ ଅନୁଷ୍ଠାନ ପକ୍ଷରୁ ଝାଡୁଆ ପଡା ଆରଣ୍ୟକ ମଞ୍ଚ ରେ ମଞ୍ଚସ୍ଥ ହେବାକୁ ଥିବା ବିରୁପାକ୍ଷ ପ୍ରଧାନ ଙ୍କ ରଚିତ ଓ ଦିଲିପ ଦେବ ଙ୍କ ଦ୍ୱାରା ନିର୍ଦେଶିତ “କଥାନୀ.. ଢଲତି ବେଲର ଓ ପ୍ରିୟମ ଜାନି ଙ୍କ ରଚିତ ଓ ପ୍ରଶାନ୍ତ ମହାରଣା ଙ୍କ ଦ୍ୱାରା ନିର୍ଦେଶିତ “ଦିଗଦର୍ଶକ” ମଞ୍ଚସ୍ଥ ହେବା ବିଷୟକୁ ସୂଚନା ଦେବା ସହ, ନାଟକର ସଫଳତା ଦିଗରେ କାର୍ଯ୍ୟ କରିବାକୁ ସଦସ୍ୟ ସଦସ୍ୟା ଙ୍କୁ ଅନୁରୋଧ କରିଥିଲେ।
