ଓଡ଼ିଶା ଡଟ୍ ନ୍ୟୁଜ୍

23/11/2024 at 2:43 PM

କଟକ: ଚାଲୁ ଚାଲୁ ବ୍ୟାଟେରି ସ୍କୁଟିରେ ଲାଗିଗଲା ନିଆଁ । ଚାହୁଁ ଚାହୁଁ ହୁତୁ ହୁତୁ ହୋଇ ଜଳିଗଲା ସ୍କୁଟି । ଘଟଣା କଟକ ତ୍ରିଶୁଳିଆ ପୋଲ ଉପରେ ଘଟିଛି । ତେବେ ସ୍କୁଟି ଚାଳକ ଅଳ୍ପକେ ବର୍ତ୍ତି ଯାଇଛନ୍ତି ।

ଆଜି ସକାଳେ ବ୍ୟକ୍ତି ଜଣଙ୍କ ତ୍ରିଶୁଳିଆରୁ କଟକ ଅଭିମୁଖେ ଆସୁଥିଲେ । ହଠାତ୍ ସ୍କୁଟିରେ ନିଆଁ ଲାଗିଯାଇଥିଲା । ଚାଳକ ଏହା ଜାଣିପାରି ଗାଡ଼ି ଛାଡ଼ି ପଳାଇ ଯାଇଥିଲେ । ପରେ ରାସ୍ତା ଉପରେ ବ୍ୟାଟେରି ସ୍କୁଟିକୁ ହୁତୁ ହୁତୁ ହୋଇ ଜଳିଯାଇଥିଲା ।

ଚାଳକ ଜଣଙ୍କ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ସ୍କୁଟିରେ କିପରି ନିଆଁ ଲାଗିଲା ତାହା ଜଣାପଡ଼ି ନାହିଁ । ସର୍ଟ ସର୍କିଟରୁ ଏହି ନିଆଁ ଲାଗିଥିବା ସନ୍ଦେହ କରାଯାଉଛି । ନିଆଁରେ ଗାଡ଼ିଟି ପୋଡ଼ି ପାଉଁଶ ହୋଇଯାଇଛି ।