ବାପା, ମା ଓ ଭଉଣୀଙ୍କୁ ହତ୍ୟା କଲା ସାନ ପୁଅ

ଜଗତସିଂହପୁର: ଜଗତସିଂହପୁରରେ ଚାଞ୍ଚଲ୍ୟ । ନିଜ ହାତରେ ନିଜ ପରିବାରକୁ ଛାରଖାର କରିଦେଲା। ଜଗତସିଂହପୁର ଜିଲ୍ଲାର ଜୟବଡ଼ ସେଠି ସାହିରେ ଅଭାବନୀୟ ଘଟଣା ଘଟିଯାଇଛି।

ପାରିବାରିକ କଳହକୁ କେନ୍ଦ୍ର କରି ବାପା, ମା ଓ ଭଉଣୀଙ୍କୁ ସାନ ପୁଅ ହତ୍ୟା କରିଛି। ମୃତକ ହେଲେ ପ୍ରଶାନ୍ତ ସେଠୀ, କନକଲତା ସେଠୀ, ମାମାଲି ସେଠୀ । ତେବେ ଅଭିଯୁକ୍ତର ନାମ ସୂର୍ଯ୍ୟକାନ୍ତ ସେଠୀ ବୋଲି ଜଣାପଡିଛି।

ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। ପଥର ଓ ହାତୁଡିରେ ଛେଚି ଛେଚି ହତ୍ୟା କରିଥିବା ବେଳେ ହତ୍ୟାକାରୀ ସାନ ପୁଅ ଅଟକ ହୋଇଥିବା ଜଣାପଡିଛି। ତେବେ ହତ୍ୟାକାଣ୍ଡରେ ବ୍ୟବହୃତ ହାତୁଡି ଏବଂ ଅନ୍ଯାନ୍ଯ ସାମଗ୍ରୀକୁ ଜବତ କରିଛି ପୋଲିସ। ଅପରପକ୍ଷରେ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି।