ଦେବବ୍ରତ ପଣ୍ଡା6/03/2025 at 6:30 PM
ଓଡ଼ିଶା ର ପ୍ରବାଦ ପୁରୁଷ ଜନ ନାୟକ ଭୂମିପୁତ୍ର ବିଜୁ ପଟ୍ଟନାୟକ ଙ୍କ ଜନ୍ମ ଦିବସ ରେ ଓଡ଼ିଶା ସରକାର ଙ୍କ ପକ୍ଷରୁ ତାଙ୍କୁ ଅସମ୍ମାନ ବିରୁଦ୍ଧରେ ଗର୍ଜିଛି ରେଙ୍ଗାଲି ବିଜେଡି। । ପ୍ରତିବର୍ଷ ବିଜୁ ପଟ୍ଟନାୟକ ଙ୍କ ଜନ୍ମ ଦିବସ ମାର୍ଚ୍ଚ 5 ତାରିଖ କୁ ପଞ୍ଚାୟତି ରାଜ ଦିବସ ଭାବରେ ପାଳିନ କରାଯାଉଥିଲା। କିନ୍ତୁ ଚଳିତ ବର୍ଷ ଏଥିରେ ବ୍ୟତିକ୍ରମ ଦେଖାଯାଇଥିଲା। ଓଡ଼ିଶା ସରକାର ବିଜୁ ଜୟନ୍ତୀ ରେ ପଞ୍ଚାୟତି ରାଜ ଦିବସ ପାଳନ କରାଯିବ ନାହିଁ ବୋଲି ଘୋଷଣା କରିବା ପରେ ବହୁ ବିଜୁ ପ୍ରେମୀ ଙ୍କ ମନରେ ଶକ୍ତ ଧକ୍କା ଲାଗିଥିଲା। ଓଡ଼ିଶା ରେ ସରକାର ବଦଳିଲା ପରେ ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କୁ ଅସମ୍ମାନ କରାଯାଉଛି ବୋଲି ବିଜେଡ଼ି ପକ୍ଷରୁ ଅଭିଯୋଗ ହୋଇଥିଲା ଏହାର ପ୍ରତିବାଦ ରେ ଗୁରୁବାର ଦିନ ରେଙ୍ଗାଲି ବିଧାୟକ ସୁଦର୍ଶନ ହରିପାଲ ଙ୍କ ନେତୃତ୍ୱରେ ରେଙ୍ଗାଲି ବିଜେଡ଼ି ପକ୍ଷରୁ ବ୍ଲକ ଅଫିସ ସମ୍ମୁଖରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ଏହି ଅବସରରେ ସରକାର ଙ୍କ ନିଷ୍ପତି କୁ ବଦଳାଇବା ପାଇଁ ଏକ ଦାବି ପତ୍ର ମହାମହିମ ରାଜ୍ୟପାଳ ଙ୍କ ଉଦ୍ଦେଶ୍ୟ ରେ ଦିଆଯାଇଥିଲା। ଏହି ପ୍ରତିବାଦ ସଭା ରେ ରେଙ୍ଗାଲି ବିଧାୟକ ସୁଦର୍ଶନ ହରିପାଲ, ରେଙ୍ଗାଲି ବ୍ଲକ୍ ବିଜେଡ଼ି ସଭାପତି ଅଶୋକ ଗୁରୁ, ରେଙ୍ଗାଲି ପୁର୍ବତନ ବିଧାୟକ ଦୁର୍ଯୋଧନ ଗାର୍ଡିଆ, ପୁର୍ବତନ ବିଧାୟକ ରମେଶ ପଟୁଆ, ମହେନ୍ଦ୍ର ଓରାମ, କିରଣ ବେହେରା, ରେଙ୍ଗାଲି ବ୍ଲକ ଅଧ୍ୟକ୍ଷ ସତ୍ୟନାରାୟଣ ଅଗ୍ରୱାଲ, ଜିତେନ୍ଦ୍ର ପ୍ରସାଦ ପଣ୍ଡା, ମୁକୁନ୍ଦ ବେହେରା, ନାରାୟଣ ଶର୍ମା, ଫଣିନ୍ଦ୍ର ପଟ୍ଟନାୟକ, ସୁବାସ ସିଂ ଙ୍କ ସହ ବହୁ ବିଜେଡ଼ି କର୍ମୀ ଉପସ୍ଥିତ ଥିଲେ।