ଓଡ଼ିଶା ଡଟ୍ ନ୍ୟୁଜ୍

25/03/2025 at 9:08 AM

ସାଲେପୁର: କଟକ ଜିଲ୍ଲା ସାଲେପୁରରେ ଡକାୟତି । ଘରେ ପଶି ଝିଅ ବାହାଘର ପାଇଁ ରଖାଯାଇଥିବା ସୁନା ଓ ଟଙ୍କା ଲୁଟ୍ । ପ୍ରାୟ ଏକ କୋଟି ଟଙ୍କାର ସୁନା ଓ ଟଙ୍କା ଲୁଟ ହୋଇଥିବା ଅଭିଯୋଗ । ସାଲେପୁର ଜାହାଙ୍ଗୀବାଦ ଗାଁରେ ଘଟିଛି ଡୟକାତି । ଲୁଟର ଶିକାର ହୋଇଛନ୍ତି ଗାଁର ବିଜୟ ମହାନ୍ତି ।
ବିଜୟ ଝିଅ ବାହାଘର କରିବାକୁ ଜମି ବିକ୍ରି କରିଥିଲେ । ଏହି ଟଙ୍କାରେ ସେ ୫୦ ଲକ୍ଷ ଟଙ୍କାର ସୁନା କିଣିଥିଲେ । ତେବେ ଗତରାତିରେ ତାଙ୍କ ଘରେ ଡକାୟତି ହୋଇଛି । ଦୁର୍ବୃତ୍ତମାନେ ଘରେ ପଶି ସୁନା ସହ ୩୦ ଲକ୍ଷରୁ ଅଧିକ ଟଙ୍କା ଲୁଟି ନେଇଛନ୍ତି ।
ଘରେ ସମସ୍ତେ ଶୋଇଥିବା ବେଳେ ୪ ଜଣ ଦୁର୍ବୃତ୍ତ ଘରେ ପଶିଥିଲେ । ଦୁର୍ବୃତ୍ତମାନେ ଛାତର କବାଟ ଭାଙ୍ଗି ଘରେ ପଶିବା ସହ ଲୁଟ୍ କରିଥିବା ବିଜୟ କହିଛନ୍ତି । ତେବେ ଏତେ ଟଙ୍କା ଓ ସୁନା ଜଣେ କିପରି ଘରେ ରଖିଥିଲେ ତାକୁ ନେଇ ସନ୍ଦେହ ସୃଷ୍ଟଇ ହୋଇଛି ।
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛନ୍ତି । ବିଭିନ୍ନ ଦିଗକୁ ନେଇ ଯାଞ୍ଚ ଚାଲିଥିବା ପୋଲିସ କହିଛି ।