ସଞ୍ଜୟ କୁମାର ପାଣିଗ୍ରାହୀ4/04/2025 at 7:46 PM
ବାଲିଗୁଡା, ତା, ୦୪/୦୪: (ସଞ୍ଜୟ କୁମାର ପାଣିଗ୍ରାହୀ): ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ସ୍ଥାନୀୟ ପଞ୍ଚୁଦଣ୍ଡ ପରିଚାଳନା ସମିତି ଆନୁକୂଲ୍ୟରେ ୩୬ ତମ ବାର୍ଷିକ ତେର ଦଣ୍ଡ ମିଳନ ସମାରୋହ ଏପ୍ରିଲ ୬ ତାରିଖ ରବିବାର ଦିନ ଅନୁଷ୍ଠିତ ହେବ। ଏଥିରେ ରୁତୁଙ୍ଗିଆ, ବଲସକୁମ୍ପା, ମେଲସିକିଆ, ରେବିଙ୍ଗିଆ, ରାଇକିଆ, ବାଲିଗୁଡା, ପୋଖରୀବନ୍ଧ, ଲେତିଙ୍ଗିଆ, ଡ଼ାକା,ବାଟାଗୁଡ଼ା, ସିଟୁପଡ଼ି, କତେରୀଭଟ୍ଟା, ଓ ଗ୍ରୀନବାଡ଼ି ଗ୍ରାମର ଦଣ୍ଡଥଳ ଯୋଗ ଦେବା ପାଇଁ ସମ୍ମତି ପ୍ରକାଶ କରିଛନ୍ତି l ଉକ୍ତ ଦିନ ସକାଳ ୮ଘଣ୍ଟା ସମୟରେ ମା’ ପାଟ୍ଟଖଣ୍ଡା ମନ୍ଦିରରେ ୧୩ ଦଣ୍ଡ ଥଳର ବରଣ କରାଯିବ l ଦିବା ଘ.୧୧.୩୦ମି.ରେ ମେନ୍ରୋଡ଼ରେ ଧୂଳିଦଣ୍ଡ ଆରମ୍ଭ ହୋଇ ଅପରାହ୍ନରେ ବନ୍ଧ ନିକଟରେ ପାଣିଦଣ୍ଡ, ସନ୍ଧ୍ୟା ୦୫ ଘଟିକା ସମୟରେ ବଜାରଛକ ନିକଟରେ ୧୩ ଦଣ୍ଡର ଆକର୍ଷଣୀୟ ମିଳନ ଉତ୍ସବ ଅନୁଷ୍ଠିତ ହେବ l ଏହି ମିଳନ ଉତ୍ସବରେ ଅଞ୍ଚଳରୁ ହଜାର ହଜାର ଶ୍ରଦ୍ଧାଳୁ ଭକ୍ତ ଯୋଗ ଦେଉଥିବାରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି l ରାତ୍ର ୮ ଘଣ୍ଟ ଠାରୁ ୧୨ ଘଣ୍ଟ ପର୍ଯ୍ୟନ୍ତ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ସହ ରାତ୍ର ୧୧ ଘଟିକା ପରେ ଝୁଣାଦଣ୍ଡର ମହା ପଟୁଆର ଆୟୋଜନ ହେବ l ୭ ତାରିଖ ସକାଳ ୮ଘଟିକାରେ ଯାତ୍ରା ସମାପ୍ତ ଘୋଷଣା କରାଯିବ ବୋଲି ସମିତି ତରଫରୁ କୁହାଯାଇଛି l